site
stats
پاکستان

خود کش حملہ آور کو ناکام بنانے اور اس سے نمٹنے کیلئے گائیڈ لائن جاری

کراچی : سندھ پولیس کے ماہرین نے خود کش حملہ کو ناکام بنانے اور اس سے نمٹنے کا طریقہ بتا دیا، ماہرین نے علامات ، کیفیت علاقہ اور حلیہ کے متعلق آگاہ کیا۔

تفصیلات کے مطابق سندھ پولیس کے ماہرین کی جانب سے خود کش حملہ آور کو ناکام بنانے اور اس سے نمٹنے کے لئے گائیڈ لائن جاری کردی، اعلی افسران کو دی گئی بریفنگ میں خود کش حملہ ،علامات ، کیفیت ،علاقہ اور حلیہ کے متعلق بتایا گیا۔

ماہرین کے مطابق خود کش حملہ آور کلین شیو اور مجمے کے حساب سے کپڑے پہنے ہوئے ہوتا ہے، ممکنہ عمر 12 سے 24 سال کے درمیان ہوسکتی ہے۔

گائیڈ لائن کے مطابق خود کش حملہ آور کا ہدف عوامی اجتماع ،عبادت گاہ ، اہم سرکاری ،غیر سرکاری تنصیبات ہو سکتی ہیں جبکہ خواتین خود کش حملہ آور حاملہ خاتون کے بھیس میں حملہ کرسکتی ہے، ایسے تمام مشتبہ افراد کو اجتماع سے 200 میٹر دور روک کر تلاشی لی جائے۔

ماہرین کے مطابق خود کش حملہ کو روکنے کے لیے اس پر فائر نہ کیا جائے بلکہ روکنے کے لیے الیکٹرک اسٹن گن کا استعمال کیا جائے، اسے آگے پیچھے سے ایسے پکڑا جائے کہ اس کی ہتھیلی کھلی رہی۔

بریفنگ کے بعد آئی جی سندھ نے احکامات جاری کئے کہ تمام ڈی آئی جیز ،ایس ایس پیز حاصل کردہ بریفنگ نچلی سطح پر منتقل کریں اور اس گائیڈ لائن کو ایک کتابچے کی شکل میں سندھ کے تمام تھانوں کا فراہم کیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top