سکھر :سندھ پولیس نے اہلکار جمیل کلہوڑو کیلئے نقدی انعام اور تعریفی سند دینے کا اعلان کردیا ، ایڈیشنل آئی جی ڈاکٹرکامران فضل نے کہا کہ پولیس اہلکارجمیل کلہوڑوسندھ پولیس کا فخر ہے۔
تفصیلات کے مطابق ریلوے اسٹیشن پر پولیس کانسٹیبل کا مسافرکی جان بچانے کے معاملے پر وزیراعظم کی جانب سے ویڈیو شیئر کرنے کے بعد پولیس اہلکار کیلئے انعامات کا اعلان کردیا۔
سندھ پولیس نے اہلکار جمیل کلہوڑو کیلئے نقدی انعام اور تعریفی سند دینے کا اعلان کردیا ، ایڈیشنل آئی جی ڈاکٹرکامران فضل نے کہا کہ پولیس اہلکارجمیل کلہوڑوسندھ پولیس کافخر ہے، سندھ حکومت کو نقدی انعام کےساتھ تعریفی سرٹیفکیٹ دینے کیلئے خط لکھا ہے۔
پولیس اہلکار کیلئے خیرپور کے شہریوں کیجانب سے بھی انعامات کےاعلان کئے گئے ہیں۔
خیال رہے وزیراعظم عمران خان نے 23مارچ یوم پاکستان پرکانسٹیبل جمال کلہوڑو کو قومی اعزاز دینے کا فیصلہ کرلیا، پولیس اہلکارجمال کلہوڑونےریلوےٹریک پر گرنے والے شخص کی جان بچائی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں