The news is by your side.

Advertisement

کراچی : سندھ پولیس نےعید الاضحیٰ کا سیکیورٹی پلان جاری کردیا

کراچی: سینٹرل پولیس آفس میں آئی جی سندھ کی زیرِصدارت ایک اہم اجلاس ہوا جس میں عید الاضحی کے موقع پرسیکیورٹی اورکھالیں جمع کرنے کے حوالےسے اہم فیصلے کئے گئے۔

اجلاس میں فیصلہ کیا گیا کہ وزارتِ داخلہ کی جانب سے کھالیں جمع کرنے کے قوائد وضوابط اورضابطہ اخلاق پر عمل درآمد کو یقینی بنایا جائے گا۔

اجلاس میں طے کیا گیا ہے کہ عید الا ضحیٰ کے موقع پر امن و امان کے انتظامات کو یقینی بنایا جائے گا اور اس سلسلے میں سنٹرل پولیس آفس میں مرکزی کمانڈ اینڈ کنٹرول روم قائم کیا جائے گا۔

اجلاس میں بتایا گیا ہے کہ کراچی میں 4500 مساجد، 220 امام بارگاہوں اور 450 عید گاہوں اور کھلے مقامات پر نمازِعید کے اجتماعات منعقد کئے جائیں گے جن کی سیکیورٹی کے لئے انتہائی سخت اقدامات کئے جائیں گے۔

اجلاس میں یہ بھی کہا گیا کہ ایام ِعید کی سیکیورٹی کے لئے کراچی میں 15500 اہلکارڈیوٹی سرانجام دیں گے جبکہ 200 سے زائد ریزرو پلاٹونز، 450 سے زائد پولیس موبائلزاور170 موٹر بائیکس پر تعینات پولیس افسران اور اہلکار متذکرہ تعداد کے علاوہ سیکیورٹی کے فرائض انجام دیں گے۔

press release
سیکیورٹی پلان کی پریس ریلیز کا عکس
Print Friendly, PDF & Email

Comments

comments

یہ بھی پڑھیں