دہشت گردوں کیخلاف مؤثر کارروائی، ریڈ الرٹ جاری ، کمانڈوز کی چھٹیاں منسوخ

کراچی : دہشت گردوں کے خلاف مؤثر کارروائی کیلئے اسپیشل سیکیورٹی یونٹ نے ریڈ الرٹ جاری کردیا۔ کمانڈوز کی چھٹیاں بھی منسوخ کردیں گئیں۔

تفصیلات کے مطابق اے آئی جی اسپیشل سیکیورٹی یونٹ سندھ پولیس مقصود احمد نے ریڈ الرٹ جاری کرتے ہوئے تمام کمانڈوز کی چھٹیاں منسوخ کردیں ہیں، آئی جی سندھ کی جانب سے احکامات دیئے گئے ہیں کہ تعلیمی اداروں میں ممکنہ دہشت گردی کی پیش نظر فول پروف سیکیورٹی فراہم کی جائے۔

اے آئی جی مقصود احمد نے خواتین سمیت تمام کمانڈوز کو دہشت گردوں کیخلاف فوری کارروائی کرنے کے احکامات دیتے ہوئے کہا ہے کہ جدید اسلحہ اور ۔مواصلاتی نظام کے ساتھ تیار رہیں اور بزدل دہشت گرد جو نہتے اور معصوم بچوں کو نشانہ بنانا چاہتے ہیں ان کے ہر عزائم کو ناکام بنا دیا جائے۔

Comments