سندھ، پنجاب میں بلدیاتی الیکشن کادوسرا مرحلہ 19نومبرکو ہوگا -
The news is by your side.

Advertisement

سندھ، پنجاب میں بلدیاتی الیکشن کادوسرا مرحلہ 19نومبرکو ہوگا

لاہور :‌ سندھ اور پنجاب میں بلدیاتی انتخابات کےدوسرے مرحلے کا دنگل انیس نومبر کو ہوگا۔

بلدیاتی الیکشن کے دوسرے مرحلے میں سندھ اور پنجاب کے ستائیس اضلاع میں سیاسی گہما گہمی عروج پر ہیں، پنجاب میں امیدواروں نے کمر کس لی ہے، اٹک،گجرانوالہ، خانیوال سمیت پنجاب کے بارہ اضلاع میں گلی محلے امیدواروں کے پوسٹر سے سج گئے، امیدواروں نے اپنے حلقوں میں ووٹروں سے وعدے کرنا شروع کردیئے ہیں.

پنجاب کے بارہ اضلاع میں ایک کروڑچھیالیس لاکھ پچاسی ہزارسےزائد ووٹر رجسٹرڈ ہیں.

سندھ میں بھی بلدیاتی انتخابات کے دوسرے مرحلے میں امیدواروں کا چناؤ ہوگا، حیدرآباد،ٹھٹہ،بدین اورسانگڑھ سمیت سندھ کےپندرہ اضلاع میں انتخابی گہماگہمی تیز ہوگئی ہے ، گلی کوچے انتخابی پوسٹرز اور بینرز سے بھر گئے ہیں اور امیدوار کارنر میٹنگز میں مصروف ہیں، سندھ کے پندرہ اضلاع میں اسّی لاکھ پانچ ہزاردوسو ووٹرز رجسٹرڈ ہیں۔

بلدیاتی انتخابات کے دوسرے مرحلے کیلئے سخت سیکیورٹی انتظامات کئے گئے ہیں، دونوں صوبوں میں فوج کوئیک رسپانس فورس کے طور پر تیار رہے گی ۔ سندھ میں سولہ اورپنجاب میں آرمی کی چالیس کمپنیاں تعینات کی جائیں گی.

Comments

comments

یہ بھی پڑھیں