The news is by your side.

Advertisement

سندھ اور پنجاب میں بلدیاتی انتخابات کی مہم کا آج آخری روز

لاہور : سندھ اور پنجاب میں بلدیاتی انتخابات کی مہم کا آج آخری روز ہے، الیکشن کمیشن نے انتخابات کے دوسرے مرحلے کیلئے حساس ترین ا ضلاع میں فوج کی تعیناتی کا نوٹیفکشن جاری کر دیا۔

سندھ اور پنجاب میں بلدیاتی انتخابات کا دوسرے مرحلے میں انتخابی مہم کا آج آخری روز ہے، امیدوار ووٹرز کو قائل کرنے کیلئے سرگرداں ہیں، سندھ کے چودہ اضلاع اور پنجاب کے بارہ اضلاع میں انتخابی مہم زور وشور سے جاری ہے، بدین میں سیاسی تصادم کے خدشے کے پیش نظرپاک فوج اور پیراملٹری کی چارکمپنیاں تعنیات کر دی گئیں۔

الیکشن کمیشن آف پاکستان نے مختلف اضلاع میں فوج کی تعیناتی کا نوٹیفکیشن بھی جاری کردیا۔ نوٹیفکیشن کے مطابق سندھ میں فوج کی سولہ کمپنیاں تعینات کی جائیں گی، سندھ کےچودہ اضلاع میں اٹھارہ نومبرسےفوج کی تعیناتی ہوگی.

ضلع سانگھڑ میں انتخابات ملتوی ہونے کی وجہ سے فوج تعینات نہیں کی جارہی،حیدرآباد اور ٹھٹھہ میں فوج کی دو دوکمپنیاں تعینات ہوں گی، میرپورخاص، عمرکوٹ اور مٹھی میں فوج کی ایک ایک کمپنی تعینات ہوگی، الیکشن کمیشن کے مطابق پنجاب میں فوج کی چالیس کمپنیاں تعینات ہوں گی ۔

Print Friendly, PDF & Email

Comments

comments

یہ بھی پڑھیں