site
stats
سندھ

سندھ پنجاب میں آئندہ دو روز میں شدید گرمی پڑنے کا امکان

لاڑکانہ / رحیم یار خان : ملک کے مختلف شہروں میں آئندہ دو روز میں شدید گرمی کا امکان ہے، پنجاب اور سندھ کے متعدد شہروں میں سورج آگ برسائے گا۔

تفصیلات کے مطابق محکمہ موسمیات نے خبردار کیا ہے کہ سندھ اور پنجاب کے مختلف علاقوں میں آئندہ دو روز تک شدید گرمی پڑنے کا امکان ہے جبکہ ملک کے بیشترعلاقوں میں موسم گرم اور خشک رہے گا۔

آج دادو میں درجہ حرارت انچاس ڈگری تک جا پہنچا، میدانی علاقوں میں سورج کا پارہ بدستور ہائی ہے۔ لو کے تھپیڑوں سے شہری بے حال ہیں۔

جمعرات سے ملک کے مختلف شہروں میں گرمی اپنا غضب ڈھائے گی، اندرون سندھ اور پنجاب میں سورج آگ برسا رہا ہے۔ دادو میں درجہ حرارت اننچاس لاڑکانہ، سکھر، جیکب آباد، رحیم یار خان میں اڑتالیس تک پہنچ گیا۔

اس کے علاوہ بہاول نگر، رحیم یارخان، خانپور میں بھی شدید گرمی کی لپیٹ میں ہیں، موسم کاحال بتانے والوں نے پشاور، کوہاٹ، اسلام آباد، گلگت اور کشمیر میں چند مقامات پر رم جھم کی نوید بھی سنائی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top