سندھ پولیس کےبعض افسر جرائم پیشہ افراد کےمعاون ومددگار -
The news is by your side.

Advertisement

سندھ پولیس کےبعض افسر جرائم پیشہ افراد کےمعاون ومددگار

کراچی : سندھ پولیس کےبعض افسر جرائم پیشہ افراد کے معاون ومددگار نکلے، رینجرز کی انٹیلیجنس رپورٹ نے کالے کرتوتوں میں ملوث افسران کی نشاندہی کردی۔

تفصیلات کے مطابق رینجرز کی انٹیلیجنس رپورٹ میں سنسنی خیزانکشافات سامنے آئے، رپورٹ کے مطابق کراچی پولیس کے کچھ افسران جرائم پیشہ افراد کے سہولت کارہیں۔

رینجرز نے اعلی حکام کے سامنے پولیس کی کالی بھیڑوں کو بے نقاب کردیا کہ کون ساافسرکس گینگ کیلئے کام کرتاہے، کون سا پولیس والا مجرموں کی پشت پناہی میں ملوث ہے۔

رینجرز کے کرنل قیصر نے میڈیانمائندوں کو بریفنگ دیتے ہوئے کہا کہ چند تھانوں میں تعینات افسران اور اہلکاروں کیخلاف شکایات ملیں تھی، جانچ پڑتال کے بعد جرائم پیشہ افراد کے معاون پولیس افسران اور اہلکاروں کی فہرست تیار کی، جو پولیس کے اعلیٰ حکام کو دیدی گئی ہے۔

کرنل قیصر نے کہا کہ حکام کی جانب سے گھناؤنے کاموں میں ملوث افسروں اور اہلکاروں کیخلاف کارروائی کی یقین دہانی کرائی گئی ہے۔


مزید پڑھیں : جرائم کا سب سے بڑا نیٹ ورک جیل سے چلایا جاتا ہے، رینجرز


یاد رہے گذشتہ روز اپیکس کمیٹی میں اسٹریٹ کرائم پر بریفنگ دیتے ہوئے کرنل قیصر کا کہنا تھا کہ ہ رینجرز کے اختیارات ختم ہوئے تو کراچی میں جرائم میں اضافہ ہوا، دہشت گردوں اور جرائم پیشہ گروہ کاسب سے مضبوط نیٹ ورک جیل سے چلایا جارہا ہے۔

کرنل قیصر کا کہنا تھا کہ ستر فیصد اسٹریٹ کرمنل منشیات کے عادی ہیں، زیادہ تر وارداتیں ٹریفک جام اور لوڈشیڈنگ والے علاقوں میں ہوتی ہیں، کراچی میں دوہزار آٹھ سو اکتیس کیمروں میں سے دو سو پچاس خراب ہیں۔


 

Comments

comments

یہ بھی پڑھیں