The news is by your side.

Advertisement

سندھ حقوق مارچ، پی ٹی آئی رہنما کنٹینر سے گرکر زخمی

پاکستان تحریک انصاف کے سندھ حقوق مارچ میں پی ٹی آئی ضلع گھوٹکی کے سابق صدر سردار افتخار کنٹینر سے گرکر زخمی ہوگئے۔

اے آر وائی نیوز کے مطابق پی ٹی آئی کا سندھ حقوق مارچ سکھر کی جانب رواں دواں تھا کہ اچانک گھوٹکی کے قریب پی ٹی آئی کے سابق ضلعی صدر سردار میر افتخار کنٹینر سے گرکر شدید زخمی ہوگئے۔

واقعے کے بعد مارچ کے شرکا میں ہلچل مچ گئی جب کہ زخمی سردار افتخار کو فوری طور پر ایمبولینس کے ذریعے اسپتال منتقل کردیا گیا ہے۔

اس حوالے سے پی ٹی آئی رہنما کا کہنا ہے کہ مارچ رواں دواں تھا کہ اچانک غلط سمت سے گاڑی آئی جس کے باعث کنٹینرڈرائیورکو ایمرجنسی بریک لگانا پڑے۔

جس وقت یہ حادثہ ہوا کنٹینر پر موجود رہنما باتوں میں مصروف تھے اور اسی وجہ سے سردار افتخار توازن برقرار نہ رکھ سکے اور کنٹینر سے نیچے گرگئے تاہم ان کی حالت تسلی بخش ہے۔

Comments

یہ بھی پڑھیں