The news is by your side.

Advertisement

طلبہ یونین کے حوالے سے اہم خبر

کراچی: صوبہ سندھ میں طلبہ یونین کی بحالی کے لیے مجوزہ بل تیار کر لیا گیا۔

تفصیلات کے مطابق سندھ میں طلبہ یونین سے متعلق مجوزہ بل قائمہ کمیٹی برائے قانون نے منظور کر کے اسمبلی کو بھجوا دیا، یہ بل صوبائی اسمبلی کے آئندہ اجلاس میں زیر بحث لایا جائے گا۔

بل کے تحت طلبہ انتخابات کے ذریعے 7 سے 11 نمائندوں پر مشتمل یونین کو منتخب کریں گے، تعلیمی اداروں میں ہر سال طلبہ یونین کے انتخابات ہوں گے۔

بل کے ڈرافٹ میں کہا گیا ہے کہ تعلیمی ادارے کی سینیٹ اور سینڈیکٹ میں طلبہ یونین کی نمائندگی ہوگی، تعلیمی ادارے کی انسداد ہراسمنٹ کمیٹی میں بھی یونین کی نمائندگی ہوگی۔

دو ماہ میں تعلیمی ادارے طلبہ یونین کے قواعد و ضوابط طے کریں گے، تعلیمی اداروں میں ہتھیار رکھنے اور لے کر چلنا ممنوع ہوگا، تعلیمی اداروں میں آتش گیر مواد بھی ممنوع ہوگا۔

یونین طلبہ کی سہولیات اور ماحول کے لیے کام کرے گی، یونین کا کام طلبہ کی بہتری اور سماجی فلاح کا ہوگا، طلبہ کے مفاد کا تحفظ بھی یقینی بنایا جائے گا۔

Comments

یہ بھی پڑھیں