The news is by your side.

Advertisement

تنخواہیں بند : کورونا ویکسین نہ لگوانے والے سرکاری ملازمین کیلئے اہم اعلان

کراچی: وزیراعلیٰ سندھ مراد علی شاہ نے کورونا ویکسین نہ لگوانے والے سرکاری ملازمین کی جولائی سے تنخواہیں بند کرنے کا اعلان کردیا۔

تفصیلات کے مطابق وزیراعلیٰ سندھ مراد علی شاہ کی صدارت میں کوروناصوبائی ٹاسک فورس کااجلاس ہوا، اجلاس میں صوبائی وزراڈاکٹرعذرا فضل پیچوہو، سعید غنی، ناصر شاہ، جام اکرام ، ڈاکٹر عبدالباری، ڈاکٹرسارا خان، ڈاکٹر قیصرسجاد شریک ہوئے۔

مراد علی شاہ نے کہا جو سرکاری ملازم ویکسین نہیں لگوائے گا اس کی جولائی سے تنخواہ بند کی جائے ، سیکریٹری صحت ڈاکٹر کاظم جتوئی نے اجلاس کو بریفنگ دیتے ہوئے کہا باہرسےآنے والے26812مسافروں کاٹیسٹ کیےگئے ، جس میں سے 55مثبت آئے۔

بریفنگ میں بتایا گیا کہ 29مئی کو4مسافروں میں انڈین ویرینٹ کی تشخیص ہوئی ، چاروں مسافروں کو آئیسولیشن میں رکھاگیا ہے ، 4 انڈین ویرینٹ مریض 14 لوگوں سےرابطے میں آئے ، ان کے ٹیسٹ کیے جارہے ہیں۔

سیکریٹری صحت کا کہنا تھا کہ یکم جون کو12.45 فیصد اور 2 جون کو کراچی میں 11.77 فیصد مثبت کیسز تھے، 27 مئی سے2 جون تک کراچی شرقی میں 21 فیصد نئے کیسز رپورٹ ہوئے، وسطی میں 12 فیصدکیسز اور 15 اموات ہوئیں جبکہ اس وقت 77 مریض وینٹی لیٹرزپرہیں ، جس میں سے 74 کراچی میں ہیں۔

Comments

یہ بھی پڑھیں