کراچی: کالعدم سندھو دیش کے 3 دہشت گردوں کو انسداد دہشت گردی کی عدالت نے قید بامشقت کی سزا سنا دی۔
تفصیلات کے مطابق سی ٹی ڈی کے ہاتھوں گرفتار 3 دہشت گردوں کو 14 سال کی سزا سنا دی گئی، جن میں اکرم علی، راشد حسین اور یوسف شامل ہیں۔
ڈی آئی جی سی ٹی ڈی آصف اعجاز کے مطابق سی ٹی ڈی سکھر نے کالعدم سندھو دیش پیپلز آرمی کے دہشت گردوں کو گرفتار کیا تھا، ان سے دستی بم اور دھماکا خیز مواد برآمد ہوا تھا۔
اس کیس کی سماعت اے ٹی سی نمبر ایک سکھر میں ہوئی، عدالت نے سماعت مکمل ہونے کے بعد جرم ثابت ہونے پر تینوں دہشت گردوں کو چودہ سال قید بامشقت کی سزا سنا دی۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔