پاکستان کے معروف گلوکار عاطف اسلم نے اپنے مداحوں سے اپنے والد کی جلد صحت یابی کے لیے دعا کی اپیل کی ہے۔
گلوکار عاطف اسلم نے فوٹو اینڈ ویڈیوز شیئرنگ ایپلی کیشن انسٹا گرام پر اسٹوری اپ ڈیٹ کر کے مداحوں کو اپنے والد کی صحت کے حوالے سے آگاہ کیا۔
عاطف اسلم نے لکھا کہ پچھلے کچھ دن تھوڑے سخت گزرے مگر آپ کی محبت اور سپورٹ سے میرے والد دل کی تکلیف سے صحت یاب ہو رہے ہیں۔
گلوکار نے مداحوں سے کہا کہ وہ آج آن لائن نہیں آسکیں گے تاہم وہ والد کے صحت یاب ہو جانے کے بعد ملاقات کی پلاننگ کر رہے ہیں۔
انہوں نے کہا کہ مجھے ویڈیوز، گانے اور خوبصورت پیغامات بھیجنے کا شکریہ، میں آپ کے تمام پیغامات پڑھوں گا جب والد ٹھیک ہو جائیں گے۔
عاطف اسلم نے کہا کہ ہمیں اپنی دعاؤں میں رکھیں، آپ کے بغیر میں کچھ نہیں ہوں۔
عاطف اسلم سے محبت کرنے والوں کی بڑی تعداد گزشتہ شب انہیں سننے پہنچی جس باعث ٹریفک شدید جام ہوگیا اور عاطف کو بائیک پر کنسرٹ کے احاطے میں داخل ہونا پڑا۔@itsaadee #atifaslam pic.twitter.com/W9CNbSjSQh
— Mohsin Mehdi (@mohsin_rizvee) December 25, 2021
گزشتہ سال عاطف اسلم کراچی میں بدترین ٹریفک جام میں پھنسے تو انہوں نے اس کا دلچسپ حل نکال کر مداحوں کو حیران کر دیا تھا۔ کراچی کے مقامی کلب میں عاطف اسلم کا کنسرٹ منعقد ہوا۔ کنسرٹ کے لیے وہ اپنی رہائش گاہ سے نکلے تو ٹریفک جام میں پھنس گئے تھے۔
صورتِ حال کا اندازہ لگانے کے بعد گلوکار نے ٹھانی کہ کیوں نہ موٹر سائیکل کے ذریعے کنسرٹ میں پہنچا جائے۔ اس منصوبے کو فوری عملی جامہ پہنایا اور سہانے موسم کا لطف اٹھاتے ہوئے وہ بائیک کے ساتھ میوزک کنسرٹ میں جا پہنچے تھے۔
