The news is by your side.

Advertisement

معروف گلوکارہ فریحہ پرویز نے خلع کی درخواست دائر کردی

لاہور: معروف گلوکارہ فریحہ پرویز نے شوہر سے شدید اختلافات کے بعد فیملی کورٹ میں خلع کے لیے درخواست دائر کردی۔

ذرائع کا کہنا ہے کہ معروف گلوکارہ فریحہ پرویز کی اپنے شوہر نعمان جاوید کے درمیاں معمولی رنجشیں اب تلخیوں کا روپ دھار چکی ہیں۔آپس میں بڑھتی ہوئی دوریوں کی نوبت طلاق تک آن پہنچی ہے۔

تفصیلات کے مطابق عدالت میں معروف گلوکارہ کا کہنا تھا کہ اُن کے شوہرنے شادی سے قبل کیے گئے وعدے نہیں نبھائے. نعمان جاوید کے پاس ان کے لیے وقت ہی نہیں اوربہ طور شوہر وہ اپنے فرائض ادا کرنے میں غفلت سے کام لے رہے ہیں۔

ان شکایات کے باعث فریحہ پرویز کا کہنا تھا کہ ایسی صورتِ حال میں ان کا اپنے شوہر کے ساتھ رہنا ممکن نہیں.لہذاعدالت سے استدعا ہے کہ ان کی درخواست قبول کر کے خلع دلوائی جائے۔

عدالت نے درخواست قبول کر کے شوہر نعمان جاوید کو بارہ جون کو طلب کر لیا

یاد رہے فریحہ پرویز اور نعمان جاوید رواں سال کے پہلے جنوری میں رشتہ اذدواج میں منسلک ہوئے تھے۔ فریحہ پرویز کے شوہر بھی گلوکار و موسیقار ہیں

دونوں کے درمیان محض چارماہ پہلے قائم ہونے والی رفاقت اب رقابت میں بدلتی نظر آرہی ہے۔

Comments

comments

یہ بھی پڑھیں