The news is by your side.

Advertisement

گلوکار ہارون اور اہلیہ کی انسٹاگرام ویڈیو وائرل

کراچی: معروف پاکستانی گلوکار ہارون رشید اور ان کی اہلیہ کی انسٹاگرام ویڈیو سوشل میڈیا پر وائرل ہوگئی۔

تفصیلات کے مطابق رواں سال لاک ڈاؤن کے دوران رشتہ ازدواج میں منسلک ہونے والے نامور گلوکار ہارون رشید ان دنوں شمالی علاقہ جات کی سیر میں مصروف ہیں جس کی تصاویر اور ویڈیوز وہ اپنے سوشل میڈیا اکاؤنٹ پر شیئر کررہے ہیں۔

ہارون رشید نے سماجی رابطے کی ویب سائٹ انسٹاگرام پر اہلیہ کے ہمراہ ویڈیو پوسٹ کی جس میں وہ اہلیہ کے ہمراہ ٹک ٹاک کے ایک میوزک پر رقص کرتے دکھائی دے رہے ہیں۔

گلوکار کی جانب سے شیئر کی جانے والی ویڈیوز کو مداحوں کی جانب سے خوب سراہا جارہا ہے۔

ہارون رشید نے ویڈیو پوسٹ کررتے ہوئے لکھا کہ ’میں اور فروا ٹک ٹاک سے لطف اندوز ہورہے ہیں، دوسری جانب ان کی اہلیہ فروا نے بتایا کہ ہم نے یہ ویڈیو مظفر آباد میں بنائی تھی۔

فروا نے صارفین سے رائے دریافت کرتے ہوئے پوچھا کہ ’آپ کو کون سی ویڈیو زیادہ پسند آئی؟‘ صارفین نے کہا کہ انہیں دونوں ویڈیوز پسند آئیں جبکہ کچھ نے پہلی ویڈیو کا انتخاب کیا۔

واضح رہے کہ 47 سالہ ہارون نے رواں سال لاک ڈاؤن کے دوران فروا نامی لڑکی سے رشتہ ازدواج میں منسک ہوئے تھے، شادی کی تقریب کا اہتمام گھر میں ہی کیا گیا تھا جس میں قریبی رشتہ داروں نے شرکت کی تھی۔

Comments

یہ بھی پڑھیں