The news is by your side.

Advertisement

گلو کار کے کے کو بچایا جا سکتا تھا، انکشاف

گلوکار کے کے کا پوسٹ مارٹم کرنے والے ڈاکٹر کا کہنا ہے کہ اگر انھیں بر وقت طبی امداد پہنچائی جاتی تو وہ یقیناً بچ سکتے تھے۔

تفصیلات کے مطابق بھارتی گلوکار کرشنا کمار کناتھ المعروف کے کے کے حوالے سے حیران کن انکشافات سامنے آئے ہیں، پوسٹ مارٹم کرنے والے ایک ڈاکٹر نے اس شبہ کی تصدیق کی ہے کہ گلوکار کے کے کی موت دل کا دورہ پڑنے سے ہوئی۔

انھوں نے اپنا نام ظاہر نہ کرنے کی شرط پر بتایا کہ گلوکار کو طویل عرصے سے دل کے مسائل تھے جن پر کوئی توجہ نہیں دی گئی۔

ڈاکٹر کے مطابق گلوکار کے بائیں مین کورونری شریان میں بڑی رکاوٹ کے ساتھ ساتھ دیگر شریانوں اور ذیلی شریانوں میں چھوٹی رکاوٹیں بھی موجود تھیں، جب لائیو شو کے دوران بہت زیادہ جوش و خروش خون کے بہاؤ کو روکنے کا سبب بنا تو انھیں دل کا دورہ پڑ گیا۔

کے کے کی بیٹی کا والد کیلیے جذباتی پیغام

انھوں نے کہا کہ اگر فوری طور پر گلوکار کو سی پی آر دیا جاتا تو اُنھیں بچایا جا سکتا تھا۔

یاد رہے کہ 31 مئی کو کولکتہ میں ایک شو سے واپسی کے بعد گلوکار کے کے گرینڈ ہوٹل میں گر گئے تھے، جس پر اُنھیں شہر کے ایک نجی اسپتال لے جایا گیا تھا، جہاں انھیں مردہ قرار دیا گیا۔

Comments

یہ بھی پڑھیں