ممبئی: مشہور بھارتی پلے بیک سنگر کے کے کی عین موت سے قبل کی ہوٹل کی فوٹیج سامنے آ گئی ہے۔
تفصیلات کے مطابق بھارت کے نہایت مقبول گلوکار کرشن کمار کنتھ (کے کے) کی اچانک موت سے پورا ملک صدمے کی کیفیت میں ہے، منگل کو کولکتہ میں لائیو کانسرٹ میں پرفارمنس کے بعد جب وہ ہوٹل منتقل ہوئے تو انھیں اچانک دل کا جان لیوا دورہ پڑ گیا تھا۔
کے کے کی کئی وائرل فوٹیجز سامنے آئی ہیں جن میں وہ موت سے کچھ ہی دیر قبل بری کیفیت میں نظر آتے ہیں، اب ہوٹل کے اندر کی بھی ایک سی سی ٹی وی فوٹیج سامنے آ گئی ہے، جس میں وہ کوریڈور میں گزرتے دکھائی دیتے ہیں۔
Watch | KK’s Video From Hotel Moments Before His Death Surfaces#kk #KKPassesAway #kkdeath pic.twitter.com/fM5cuzEjqQ
— News18.com (@news18dotcom) June 1, 2022
اس ویڈیو میں وہ لفٹ میں نظر آئے، یہ ویڈیو گلوکار کو اسپتال لے جانے سے پہلے لفٹ کیمرے نے قید کی تھی، ویڈیو کو دیکھ کر ایسا لگتا ہے کہ کے کے بہت تھکے ہوئے تھے اور ان کی طبیعت ٹھیک نہیں تھی، ایک اور ویڈیو میں کے کے کو اسٹیج سے واپس آنے کے بعد ہوٹل کے کوریڈور میں بھاگتے ہوئے بھی دیکھا جا سکتا ہے۔
کے کے کی طبیعت بگڑنے کی ویڈیو منظرعام پر آگئی
اس سے قبل کے کے کی ایک اور ویڈیو وائرل ہوئی تھی، جس میں وہ مداحوں کے ہجوم میں گھرے ہوئے تھے، ان کی ٹیم انھیں اس مقام سے لے جانے کی کوشش کر رہی تھی، ویڈیو میں کے کے کے کو دیکھ کر آسانی سے اندازہ لگایا جا سکتا ہے کہ وہ بہت تھکے ہوئے تھے، ایک اور وائرل کلپ میں گلوکار اپنی ٹیم کو آڈیٹوریم کے اندر گرمی اور نمی کے بارے میں بتاتے ہوئے بھی سنائی دے رہے ہیں۔
رپورٹس کے مطابق کے کے سینے میں درد کی شکایت کے بعد اسٹیج چھوڑ کر چلے گئے تھے، موت کے بعد گلو کار کے آخری میوزک پروگرام کی کئی تصاویر اور ویڈیوز سوشل میڈیا پر وائرل ہو رہی ہیں۔
