site
stats
انٹرٹینمںٹ

امریکی گلوکارہ میڈونا، غریب بچوں کے لیے 4 نئے اسکول تعمیر کرنے کا اعلان

لاہور : امریکی گلوکارہ میڈونا نے مشرقی افریقہ ملک ملاوی میں چار نئے اسکول قائم کرنے کا اعلان کیا ہے جس کے بعد ان کی جانب سے کھولے گئے اسکولوں کی تعداد 14 ہوجائے گی.

بین الااقوامی خبر رساں ایجنسی کے مطابق معروف گلوکارہ نے اس بات کا اعلان نئے سال کی آمد کی موقع پر کیا، میڈونا کا کہنا تھا کہ یہ اسکول ایک این جی او کے اشتراک کے ساتھ تعمیر کیے جا رہے ہیں جس کا مقصد پسماندہ علاقوں کو علم کے زیور سے آراستہ کرنا ہے۔

اس موقع پرامریکی گلوکارہ میڈونا کا مخیر حضرات اور سماجی تنظیموں سے تعاون کرنے کی اپیل کرتے ہوئے کہنا تھا کہ بہ حیثیت انسان محروم اور مستحق لوگوں کی مدد کرنا ہمارا  اولین فرض ہے اور علم سے بہتر کوئی مدد نہیں ہو سکتی ہے کیوں کہ علم انسان کا سب سے قیمتی سرمایہ ہے.

انہوں نے مزید کہا کہ معیاری تعلیم کا حصول ہر بچے کا بنیادی حق ہے اور میں اس سلسلے میں سب کو دعوت دیتی ہوں کہ آئیں، ہمارے ساتھ مل کام کریں اور پھر اس تعلیمی سے انقلاب سے دنیا بھر میں برپا ہونے والی مثبت تبدیلی کو دیکھیں جس سے پُر امن اور پُر رونق دنیا کا خواب شرمندہ تعبیر ہوگا۔

خیال رہے کہ امریکہ کی صف اول کی گلوکارہ میڈونا اس سے قبل بھی ملاوی کے پسماندہ علاقوں میں 10 اسکول تعمیر کروا چکی ہیں جہاں سیکڑوں طالب علم مستفید ہو رہے ہیں تاہم بچوں کی تعداد زیادہ ہونے کے سبب مفت تعلیم کا دائرہ وسیع کرتے ہوئے میڈونا نے مزید 4 اسکولز کھولنے کا اعلان کیا ہے.

امریکی گلوکارہ اپنی جدید موسیقی، انداز اور مغربی لباس کے باعث دنیا بھر میں کافی شہرت رکھتی ہیں جب اُن کی ازدواجی زندگی بھی اکثر میڈیا میں زیر بحث رہتی ہے اور وہ آئے دن متنازعہ خبروں کا حصہ بھی رہتی ہیں تاہم سماجی کاموں میں دلچسپی نے اُن کی شخصیت کے ایک الگ پہلو کو اجاگر کرنے میں مدد دی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top