The news is by your side.

Advertisement

ملکہ ترنم نور جہاں کے ورثاء میں جائیداد کی تقسیم پر تنازع

لاہور: ماضی کی مشہور گلوکارہ ملکہ ترنم نور جہاں کے ورثا میں جائیداد کی تقسیم پر قانونی جنگ شروع ہوگئی۔

نمائندہ اے آر وائی نیوز عابد خان کے مطابق ملکہ ترنم نور جہاں کے ورثا میں جائیداد کی تقسیم پر جھگڑا شروع ہوگیا ہے، نواسے احمد بٹ نے سول عدالت میں کیس دائر کردیا۔

عدالت نے نور جہاں کے بیٹے اصغر کو نوٹس جاری کرتے ہوئے 17 اگست کو جواب طلب کرلیا۔

احمد بٹ نے اپنے ماموں اصغر سے شاہ نور اسٹوڈیو میں حصہ نہ ملنے پر کیس دائر کیا

 گلوکارہ نور جہاں کی بیٹی ظل ہما کے بیٹے احمد بٹ نے اپنے ماموں اصغر سے شاہ نور اسٹوڈیو میں حصہ نہ ملنے پر کیس دائر کیا ہے۔

لاہور ہائی کورٹ کے سول جج نوید انجم نے کیس پر سماعت کی اور 17 اگست کو جواب طلب کیا۔

نورجہاں کے نواسے احمد بٹ نے عدالت میں موقف اختیار کیا کہ شاہ نور اسٹوڈیو سے اس کی والدہ کا حصہ نہیں دیا گیا، استدعا ہے کہ عدالت شاہ نور اسٹوڈیو سے ہمیں حصہ دینے کا حکم جاری کرے۔

یاد رہے کہ ملکہ ترنم نور جہاں کی بیٹی ظل ہما عقیل بٹ کے ساتھ رشتہ ازدواج میں منسلک ہوئی تھیں اور احمد بٹ ان کا بیٹا ہے۔

Comments

comments

یہ بھی پڑھیں