اسلام آباد : گلوکار سلمان احمد نے ملک میں سیاسی مخالفین پر تشدد اور اظہار رائے پر حکومتی پابندیوں کے خلاف چیف جسٹس کو خط لکھ دیا۔
تفصیلات کے مطابق گلوکار سلمان احمد نے چیف جسٹس سپریم کورٹ عمر عطا بندیال کو خط لکھ دیا۔
ملک میں سیاسی مخالفین پر تشدد اور اظہار رائے پر حکومتی پابندیوں کے خلاف گلوکار سلمان احمد نے چیف جسٹس پاکستان عمر عطا بندیال کو خط لکھ دیا @sufisal pic.twitter.com/0IA1HvZIzv
— Moin Zubair (@MoinZubair6) August 18, 2022
خط میں سلمان احمد نے کہا کہ میڈیا پر پابندیوں اور سیاسی مخالفین پر تشدد کے حوالے سے تشویش ہے، شہباز گل کی گرفتاری اور ان پر تشدد اس کی واضح مثال ہے۔
سلمان احمد کا کہنا تھا کہ چیف جسٹس آزادی اظہار اور بنیادی حقوق کے تحفظ یقینی بنانے کا حکم دیں۔
خیال رہے عدالتی حکم کے باوجود اے آر وائی نیوز کی نشریات بحال نہیں کی جا سکیں۔
یاد رہے گذشتہ ماہ وفاقی تحقیقاتی ادارے (ایف آئی اے) سائبر کرائم نے سوشل میڈیا پر ملکی اداروں کے خلاف پوسٹ لگانے پر معروف گلوکار سلمان احمد کو نوٹس بھیجا تھا۔
