اتوار, فروری 9, 2025
اشتہار

طاہر شاہ کے گانے اینجل پر امریکی سفارتخانے کا مزاحیہ رد عمل

اشتہار

حیرت انگیز

کراچی : سوشل میڈیا کے ذریعے اپنے گانوں سے شہرت پانے والے طاہرشاہ کی ویڈیو کو پوری دنیا میں دیکھا اور سنا گیا۔

ان کے نئی وڈیو البم اینجل کی دھوم امریکی قونصل خانے تک جا پہنچی، جہاں امریکی اہلکار اس بے حد محظوظ ہوئے۔

امریکی اہلکاروں نےگانا سننے کیساتھ ساتھ اس کے ردعمل کی ویڈیو بھی جاری کردی، جو ویڈیو سے بھی زیادہ مزاحیہ ہے۔

اس ویڈیو کو امریکی سفارتخانے نے فیس بک پر جاری کر دیا ہے، جس کو بہت پسند کیا جا رہا ہے۔

مذکورہ ویڈیو میں ایک خاتون کا کہنا ہے کہ یہ بہت خوبصورت جگہ ہے، ایک اور خاتون نے حیرانگی سے کہا کہ یہ کیا ہورہاہے؟

ایک شخص نے معلوم کیا کہ کیا کسی کی شادی ہو رہی ہے؟ تو کسی نے کہا کہ طاہرشاہ کا لباس کسی شہزادی کی طرح ہے۔

ایک خاتون نے کہا کہ میں ان خیالات میں الجھی ہوں کہ اس کے پروں کو کیا ہوا؟ ایک اور خاتون نے نہایت دلچسپ سوال کیا کہ اردو میں مین کائینڈ کیاہے؟

ویڈیو میں اسی طرح کے دیگر حیران کن سوالات پوچھے گئے ہیں جو شاید طاہر شاہ کے علاوہ کوئی اور نہ دے سکے، مجموعی طورپر امریکی قونصل خانے کے ملازمین نے اس گانے کو پسند کیا۔

 

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں