سائنوویک کی بوسٹر ڈوز، معمر افراد کے لئے نئی امید

چین کی تیار کردہ سائنوویک کرونا ویکسین بیماری کی شدت کو کم کرنے اور موت کے خطرات کو ٹالنے میں مؤثر ثابت ہوئی، اسی لیے ماہرین سائنو ویک کی بوسٹر ڈوز کو معمر افراد کیلئے ضروری قرار دیا ہے۔

یہ انکشاف ہانگ کانگ میں ہونے والی ایک تحقیق میں کیا گیا، جس میں اومیکرون قسم کی لہر سے متاثر مریضوں پر تحقیق کی گئی، تحقیق کے نتائج سے ثابت ہوا کہ سائنو ویک کی دو خوراکیں 60 سال یا اس سے زائد عمر کے افراد کو بیماری کی شدت سے 72 اور موت کے خطرات کو ٹالنے میں 77 فیصد مؤثر ہے۔

تحقیق کے نتائج میں دریافت ہوا کہ سائنو ویک کی تیسری خوراک معمر افراد کو پیچیدگیوں اور موت سے بچانے میں 98 فیصد تک مؤثر ہے۔

چین میں 87 فیصد سے زیادہ آبادی کی ویکسینیشن مکمل ہوچکی ہے اور وہاں زیادہ تر کو سائنو ویک ویکسین کا ہی استعمال کرایا گیا ہے۔

Comments