site
stats
پاکستان

قائد متحدہ قوم کے مجرم ہیں، پاکستان کے حوالے کیا جائے،سراج الحق

ملتان : جماعت اسلامی پاکستان کے امیر سراج الحق نے کہا ہے کہ قائد ایم کیوایم نے مہاجروں کی قربانیوں کو چیلنج کیا، آج وہ دشمن کی گود میں بیٹھ کر پاکستان کے خلاف نعرے لگاتا ہے، قائد متحدہ پاکستانی عوام کے مجرم ہیں انہیں پاکستان کے حوالے کیا جائے۔

تفصیلات کے مطابق جماعت اسلامی پاکستان کے امیر سراج الحق نے ملتان میں تکمیل پاکستان کشمیر ریلی سے خطاب کرتے ہوئے کہا ہے کہ قائد ایم کیوایم نے مہاجروں کی قربانیوں کو چیلنج کیا،مہاجروں کے بزرگوں نے کلمے کے نام پر پاکستان بنایا تھا کمیونسٹ کی گود میں بیٹھنے کے لیے نہیں بنایا تھا۔

MQM chief makes anti-Pakistan statements by… by arynews

انہوں نے قائد ایم کیو ایم کو مخاطب کرتے ہوئے کہا کہ آج تم دشمن کی گود میں بیٹھ کر پاکستان کے خلاف نعرے لگاتے ہو یا درکھو پاکستان ایک نظریے اور توحید کے فلسفے کا نام ہے ہم عہد کرتے ہیں پاکستان کی خاطر مریں گے بھی اور جئیں گے بھی۔

اس موقع پر امیر جماعت اسلامی نے برطانیہ سے قائد ایم کیو ایم کی حوالگی کا مطالبہ کرتے ہوئے کہا کہ متحدہ قائد پاکستانی عوام کے مجرم ہیں اس لیے انہیں پاکستان کے حوالے کیا جائے تا کہ ہم ان سے حساب کتاب پورا کریں اور اپنے قوانین کے مطابق سخت سے سخت سزا دیں۔

تکمیل پاکستان ریلی میں کارکنوں اور عوام کی بڑی تعداد نے شرکت کی، ریلی عام خاص باغ سے شروع ہوکر کچہری چوک پر اختتام پذیر ہوئی جب کہ شرکاء نے پاکستان زندہ باد کے نعروں سے فضاء کو گرم رکھا اور ملک دشمن بیانات دینے پر قائد ایم کیو ایم کو ہدف تنقید بنایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top