The news is by your side.

Advertisement

مرد اورعورت کو لڑانے والے انسانیت کو تباہ کرنا چاہتے ہیں، سراج الحق

کراچی: امیر جماعت اسلامی سینیٹر سراج الحق نے کہا ہے کہ مرد اور عورت کو لڑانے والے انسانیت کو بتاہ کرنا چاہتے ہیں۔

تفصیلات کے مطابق امیر جماعت اسلامی سینیٹر سراج الحق نے کراچی میں جلسے سے خطاب کرتے ہوئے کہا کہ خواتین ہماری عزت اور غیرت ہیں، مرد اور عورت ایک سائیکل کے دو پہیے ہیں، عورت کو عزت اور احترام صرف دین اسلام میں دیا گیا ہے۔

انسان کوئی بھیڑ بکری نہیں، اشرف المخلوقات ہے

سراج الحق امیر جماعت اسلامی

سراج الحق نے کہا کہ انسان کوئی بھیڑ بکری نہیں، اشرف المخلوقات ہے، کسی تہذیب نے عورت کو عزت نہیں دی، اسلام نے عزت اور مقام دیا ہے، اسلام نے عورت کو تعلیم کا حق دیا ہے۔

انہوں نے کہا کہ ہندوستان میں بیوی کو شوہر کے مرنے کے بعد ساتھ میں ہی جلادیا جاتا تھا، مغرب کی عورت تنہا ہے، نہ باپ، بھائی اور نہ بیٹا ہے، مغرب کی عورت کہتی ہے صرف یہ جسم میرا ہے اور کچھ نہیں ہے۔

امیر جماعت اسلامی نے مزید کہا کہ ایسا پاکستان چاہتے ہیں جہاں مہنگائی، غربت اور بے روزگاری نہ ہو، ایسا ملک چاہتے ہیں جہاں خواتین کی عزت اور مستقبل محفوظ ہو۔

fb-share-icon0
Tweet 20

Comments

comments

یہ بھی پڑھیں