The news is by your side.

Advertisement

ایمنسٹی اسکیم غلط مقاصد کے لیے لائی گئی ہے، سراج الحق

لاہور: امیر جماعت اسلامی سراج الحق نے کہا ہے کہ ایمنسٹی اسکیم غلط مقاصد کے لیے لائی گئی ہے، اسکیم کا مقصد بلیک منی کو وائٹ کرنا ہے۔

ان خیالات کا اظہار انہوں نے میڈیا سے گفتگو کرتے ہوئے کیا، سراج الحق نے کہا کہ اسکیم کا مقصد ٹیکس نیٹ بڑھانا نہیں، لوٹ مار کرنے والوں کو ریلیف دینا ہے۔

انہوں نے کہا کہ صدارتی آرڈیننس لانے کا مقصد حکومت اسکیم پر پارلیمنٹ میں بحث نہیں چاہتی، اسکیم کے ذریعے حکومت اپنے لوگوں کو تحفظ فراہم کررہی ہے، ایمنسٹی اسکیم دیانتداری سے ٹیکس دینے والوں کے ساتھ ظلم ہے۔

قبل ازیں سراج الحق نے 7 اپریل کو امریکی سفارتخانے کی گاڑی سے نوجوان کی ہلاکت کے خلاف سینیٹ میں تحریک التوا جمع کروائی، ان کا کہنا تھا کہ سفارتخانے کے ملازم کو گرفتار نہیں کیا، اپنے شہری کی جان کو اہمیت دینے کے بجائے قاتل کو فری ہینڈ دیا گیا۔

امیر جماعت اسلامی کا کہنا تھا کہ واقعہ انتہائی قابل مذمت اور پوری قوم کو اس پر تشویش ہے، معمول کی کارروائی کو روک کر اس معاملے کو زیر بحث لایا جائے۔

مزید پڑھیں: ہمارا دشمن ایٹم بم سے نہیں بلکہ ہمارے نوجوانوں سے ڈرتا ہے: سراج الحق

واضح رہے کہ گزشتہ روز لاہور میں یوتھ کنونشن سے خطاب میں سراج الحق کا کہنا تھا کہ پاکستان سے ٹکرانے والا تباہ ہوجائے گا، ملک کو اسلامی بنائیں گے، موجودہ نظام سے غریبوں کا حق چھینا جاتا ہے۔۔

ان کا کہنا تھا کہ نوجوان غربت کی وجہ سے اپنے گھروں کو چھوڑ دیتے ہیں، ملک میں عوام کے ساتھ دھوکا ہورہا ہے، مزدور مزدوری کرکے بھی بھوکا سوتا ہے اور نوجوان ڈگریاں لے کر بھی بیروزگار گھوم رہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں