site
stats
پاکستان

ایسانظام چاہتاہوں وزیراعظم اذان دے اور صدرامامت کرے،سراج الحق

صوابی: امیرجماعت اسلامی سراج الحق کا کہنا ہے کہ ایسانظام چاہتاہوں وزیراعظم اذان دےاورصدرامامت کرے، ن لیگ نے رات کےاندھیرےمیں ختم نبوت پرشب خون مارا۔

تفصیلات کے مطابق صوابی میں امیرجماعت اسلامی سراج الحق نے میڈیا سے گفتگو کرتے ہوئے کہا کہ پاکستان میں اسلامی نظام چاہتےہیں، ایسانظام چاہتاہوں وزیراعظم اذان دےاورصدرامامت کرے، ن لیگ نےرات کےاندھیرےمیں ختم نبوت پرشب خون مارا۔

سراج الحق کا کہنا تھا کہ ختم نبوت کےقانون کوچھیڑنےوالوں کوبےنقاب کیاجائے، سازش کرنے والوں کوحکومت سےنکال کرجیل میں ڈال دیں، شہبازشریف سے پوچھتا ہوں راناثنااللہ کو کب نکالو گے۔

امیر جماعت اسلامی نے کہا عدالت پانامامیں شامل تمام افرادکیخلاف کارروائی کرکےجیل میں ڈالے، تمام سیاستدانوں کااحتساب کیاجائے، سب سےپہلے میں خود کو احتساب کیلئے پیش کرتا ہوں۔


مزید پڑھیں :  مہنگائی، بیروزگاری نواز شریف کا تحفہ ہیں، سراج الحق


یاد رہے کہ گذشتہ ر وز وہاڑی میں جلسہ عام سے خطاب کرتے ہوئے امیر جماعت اسلامی سراج الحق کا کہنا تھا کہ نواز شریف کی حکومت نے عقیدہ ختم نبوتﷺ پر شب خون مارا، مہنگائی اور بیروزگاری نواز شریف کا تحفہ ہیں۔

انکا کہنا تھا کہ نواز شریف لاہور میں ایسا کوئی اسپتال بناتے تو اہلیہ کو لندن لے کر نہ جاتے، نواز شریف کو عدالت نے نہیں اللہ نے سزا دی ہے، عوام اپنے ووٹ سے اس حکومت کو ختم کرے، موجودہ حکومت ہماری نظریاتی سرحدوں کی حفاظت نہیں کرسکی، اسٹیٹس کو ختم کرنے اور انقلاب کا وقت آگیا ہے۔

امیر جماعت اسلامی نے کہا تھا کہ ملک میں غربت مہنگائی میں اضافہ ہوا ہے، حکمرانوں کی مثال اس مرغی کی ہے جو دانا کہیں کھاتی ہے اور انڈہ کہیں دیتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top