پاکستان کو مدینہ جیسی اسلامی ریاست بنا کردم لیں گے،سراج الحق
The news is by your side.

Advertisement

پاکستان کو مدینہ جیسی اسلامی ریاست بنا کردم لیں گے،سراج الحق

لاہور : امیر جماعت اسلامی سراج الحق کا کہنا ہے کہ پاکستان کو مدینہ جیسی اسلامی ریاست بناکردم لیں گے، خوشی کے لمحات میں ہمیں اپنے کشمیری بھائیوں کو نہیں بھولنا۔

تفصیلات کے مطابق لاہور میں امیر جماعت اسلامی سراج الحق نے منصورہ میں میڈیا سے بات چیت میں جشن آزادی پر اپنے پیغام میں کہا
پاکستان کو مدینہ جیسی اسلامی ریاست بنا کردم لیں گے۔

سراج الحق کا کہنا تھا کہ ملک کوآئی ایم ایف اورورلڈ بینک سے آزادی دلانا ضروری ہے، پاکستان میں کرپشن کے خلاف ہماری جدوجہد جاری رہے گی۔

امیر جماعت اسلامی نے کہا کہ خوشی کے لمحات میں ہمیں اپنےکشمیری بھائیوں کو نہیں بھولنا، سیاسی اختلافات اپنی جگہ مگر ملک کے مستقبل اور ترقی کے لیے ایک ہیں۔


مزید پڑھیں : ملک بھرمیں یوم آزادی ملی جوش و جذبے سے منایا جارہا ہے


گذشتہ روز امیر جماعت اسلامی سینیٹر سراج الحق نے اراکین قومی اسمبلی کی حلف برداری کا خیر مقدم کرتے ہوئے واضح کیا تھا کہ متحدہ مجلس عمل اصولوں کی سیاست کرے گی۔ ن لیگ اور پیپلز پارٹی کی ڈکٹیشن کا حصہ نہیں بنیں گے۔

ان کا کہنا تھا کہ ھاندلی کے الزامات کی سیاست کو یوم آزادی کے ساتھ نہیں جوڑا جاسکتا، یوم آزادی بھر پور طریقے سے منائیں گے۔

یاد رہے ملک بھر میں اکہتر واں یوم آزادی ملی جوش وجذبے سے منایا جارہا ہے، یوم جشن آزادی کا آغاز وفاقی دارالحکومت میں اکتیس اور صوبائی دارالحکومتوں میں اکیس ، اکیس توپوں کی سلامی سے کیا گیا اور ملکی سلامتی اور ترقی کیلئے دعائیں کی گئی۔

Comments

comments

یہ بھی پڑھیں