site
stats
پاکستان

بجٹ، حکومتی اخراجات میں کمی اور عوام کو ریلیف دیا جائے، سراج الحق

اسلام آباد : امیر جماعت اسلامی سراج الحق نے کہا ہے کہ آئندہ بجٹ میں حکومتی اخراجات کم کیے جائیں اور عوام کو ریلیف مہیا کیا جائے۔

وہ اسلام آباد میں میڈیا سے بات کر رہے تھے انہوں نے مطالبہ کیا کہ آئندہ بجٹ میں عوام کو ریلیف دیاجائے اور اشیائے خورد و نوش سمیت ضروریات زندگی کی اشیاء پر نیاٹیکس نہ لگایاجائے۔

امیرجماعت اسلامی نے مزید کہا کہ آئندہ بجٹ میں سرکاری ملازمین اور پنشنرزکی پنشن میں خاطرخواہ اضافہ کیاجائے جب کہ عام مزدوروں کو رجسٹرڈ کر کے لیبر قوانین کے تحت سہولتیں دی جائیں۔

سراج الحق نے مطالبہ کیا کہ پٹرولیم مصنوعات کی قیمتوں میں اضافہ نہ کرنےکااعلان کیاجائے کیوں کہ ہر پندرہ دن بعد پٹرول کی قیمتوں میں اضافے سے مہنگائی میں اضافہ ہورہا ہے اور غریب عوام کی کمر ٹوٹ چکی ہے۔

انہوں نے کہا کہ موجودہ حکومت وعدے کے مطابق 4 سال میں بھی لوڈشیڈنگ ختم نہیں کرسکی ہے ایسا لگتا ہے کہ اس بنیادی مسئلے کے حل کے لیے حکومت سنجیدہ نہیں ہے اور تاریک پاکستان ان کے مفاد میں ہے۔

امیر جماعت اسلامی نے کہا کہ عوام کا کوئی پرسان حال نہیں ہے حکمراں مال بٹورنے اور کرپشن کرنے میں مصروف ہیں اگر پاناما کیس میں قرار واقعی سزا نہین دی گئی تو ملک سے کرپشن کے خاتمہ ناممکن ہو جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top