لاہور: امیر جماعت اسلامی سراج الحق نے کہا ہے کہ بجلی، گیس، کھاد کی قیمتوں میں اضافہ کیا گیا، تو عام آدمی پس جائے گا.
ان خیالات کا اظہار انھوں نے میڈیا سے گفتگو کرتے ہوئے کیا. سراج الحق کا کہنا تھا کہ حکومت کو اپنے وعدہ پورے کرنے ہوں گے.
امیر جماعت اسلامی نے کہا کہ حکومت کاایک کروڑنوجوانوں کوملازمتیں دینے کا اعلان خوش آئند ہے، 50 لاکھ لوگوں کو چھت مہیاکرنےکا اعلان قابل تعریف ہے.
انھوں نے کہا کہ ضرورت اس امر کی ہے کہ حکومت کے اعلانات پر جلد از جلد عمل درآمد کیا جائے.
سراج الحق کا کہنا تھا کہ عالمی بینکوں سےقرضہ نہ لینے کا حکومت کا اعلان قابل ستائش ہے، اس کی حمایت کرتے ہیں، البتہ اگر اشیائے خورونوش کی قیمتوںمیں اضافہ کیاگیاتوعام آدمی پس جائے گا.
مزید پڑھیں: پاک وطن کے لیے قوم تن من دھن قربان کرنے کو تیار ہے ، سراج الحق
یاد رہے کہ جماعت اسلامی گذشتہ دور حکومت میں خیبرپختون خواہ میں پی ٹی آئی کہ اتحادی تھی، مگر الیکشن 2018 سے قبل وہ حکومت سے الگ ہوگئی اور مذہبی جماعتوں کے اتحاد میں شامل ہوگئی.
جماعت اسلامی نے کتاب کے نشان کے تحت الیکشن لڑا، مگر وہ متوقع کامیابی حاصل نہیں کرسکی.
