The news is by your side.

Advertisement

سیکولر اور لبرل لابی آئین کو سیکولر بنانے کی سازش کررہی ہے: سراج الحق

متحدہ مجلس عمل ملک میں نظام مصطفیٰ کا نفاذ چاہتی ہے

لاہور: امیر جماعت اسلامی سراج الحق کا کہنا ہے کہ آئین کی بالادستی کے لئے قوم کو متحد ہو کر جدوجہد کرنا ہوگی.

تفصیلات کے مطابق سراج الحق نے ایک تقریب سے خطاب کرتے ہوئے کہا کہ قوم کے متحدہ ہونے کا وقت آگیا، سیکولر اور لبرل لابی آئین کو سیکولربنانے کی سازشیں کررہی ہے.

سینیٹر سراج الحق کے مطابق سود کی وجہ سے پاکستان کا پورا معاشی نظام تباہی کے دہانے پر پہنچ چکا ہے، عالمی اسٹیبلشمنٹ کے مہرے ایڑی چوٹی کا زور لگا رہے ہیں.

سراج الحق نے کہا کہ متحدہ مجلس عمل آئین میں موجود اسلامی دفعات کی حفاظت کرے گی، 2018 کا انتخابی معرکہ ملک کے اسلامی تشخص کی حفاظت کا معرکہ ہے.

امیر جماعت اسلامی نے کہا کہ ہے کہ متحدہ مجلس عمل ملک میں نظام مصطفیٰ کے نفاذ کی جدوجہد کر رہی ہے، عوام اس معرکے میں متحدہ مجلس عمل کےامیدواروں کو کامیاب کرائیں.

یاد رہے کہ جماعت اسلامی اس بار مذہبی جماعت کے اتحاد متحدہ مجلس عمل (ایم اے اے) کے پلیٹ فارم سے کتاب کے نشان پر الیکشن لڑے گی۔

جماعت اسلامی خیبرپختون خواہ میں تحریک انصاف کی اتحادی تھی، مگر سینیٹ انتخابات کے بعد دونوں جماعتوں کی راہیں جدا ہوگئیں اور جماعت اسلامی ایم ایم کا حصہ بن گئی۔


پرویزمشرف سمیت کوئی بھی شخص قانون سے بالاتر نہیں: سراج الحق


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں