The news is by your side.

Advertisement

پرویزمشرف سمیت کوئی بھی شخص قانون سے بالاتر نہیں: سراج الحق

حکمران خود کو آسمانی مخلوق اورعوام کو کیڑے مکوڑے سمجھتے ہیں

لاہور: امیر جماعت اسلامی سراج الحق نے کہا ہے کہ پرویزمشرف سمیت کوئی بھی شخص قانون سے بالاتر نہیں.

ان خیالات کا اظہار انھوں نے ایک تقریب سے خطاب کرتے ہوئے کیا. سینیٹر سراج الحق کا کہنا تھا کہ انصاف سےمحروم معاشرے زیادہ دیر تک قائم نہیں رہتے.

امیر جماعت اسلامی کا کہنا تھا کہ الیکشن کمیشن 63 ،62 پرعمل درآمد کو یقینی بنائے، یہ اس کی ذمے داری ہے، یہاں غریب کو کبھی انصاف نہیں ملا، تھانا کچہری پرہمیشہ جاگیرداروں، وڈیروں کا قبضہ رہا.

سراج الحق کا کہنا تھا کہ حکمران خود کو آسمانی مخلوق اورعوام کو کیڑے مکوڑے سمجھتے ہیں، پاناما لیکس کے 436 ملزمان کو احتساب کے کٹہرے میں لایا جائے، تب ہی انصاف ممکن ہے.

یاد رہے کہ جماعت اسلامی اس بار مذہبی جماعت کے اتحاد متحدہ مجلس عمل (ایم اے اے) کے پلیٹ فارم سے کتاب کے نشان پر الیکشن لڑے گی۔

جماعت اسلامی خیبرپختون خواہ میں تحریک انصاف کی اتحادی تھی، مگر سینیٹ انتخابات کے بعد دونوں جماعتوں کی راہیں جدا ہوگئیں اور جماعت اسلامی ایم ایم کا حصہ بن گئی۔


حکومت نے پانچ سال پورے کیے، مگر اپنے وعدے پورے نہیں کرسکی: سراج الحق


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں