site
stats
پاکستان

امریکا خطے کے امن کے لیے خطرہ ہے، سراج الحق

پشاور : امیر جماعت اسلامی سراج الحق نے کہا ہے کہ امریکا نے اپنی پالیسیوں سے پورے خطے کے امن کو تباہ کرکے رکھ دیا ہے اور دنیا کو انتہا پسندی کی آگ میں دھکیل دیا۔

میڈیا سے گفتگو کرتے ہوئے انہوں نے کہا کہ ہمارے حکمران بہرے اور گونگے بن گئے ہیں اور ذہنی غلامی نے ملک کو ابتر حالات تک پہنچا دیا ہے۔

امیر جماعت اسلامی نے کہا کہ ملک کی خارجہ اور معاشی پالیسیاں مکمل طور پر ناکام ہوگئی ہیں ایسی صورت حال میں اس ملک کو سب سے زیادہ ایک جرات مند لیڈر کی ضرورت ہے اور اگر قوم نے ساتھ دیا تو جماعت اسلامی ہر قسم کی مافیا کا خاتمہ کرکے ملک کو مثبت راہ پر گامزن کرے گی۔

انہوں نے کہا کہ پاناما کیس میں فیصلے کا انتظار ہے لیکن اگر ہمیں حکوقمت کرنے کا موقع ملا تو ہم کرپٹ افراد کو اقتدار کے تخت پر بیٹھانے کے بجائے جیلوں میں ڈالیں گے کیونکہ جیل ہی ایسے لوگوں کے لیے بہترین جگہ ہے۔

امیر جماعت اسلامی نے کہا کہ غریب اور مظلوم عوام ایک طاقت ہیں اور وہ طاقت اس کا ووٹ طاقت ہے جس کے بل پر ہم نے کرپشن کے سومنات کو توڑنا ہے اور ملک کے عوام کو کرپشن سے پاک ماحول فراہم کرنا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top