site
stats
پاکستان

عوام کے مسائل حل نہ کرنے والی جمہوریت سے باغی ہیں، سراج الحق

اسلام آباد : امیر جماعت اسلامی سراج الحق نے کہا ہے کہ ایسی جمہوریت سے باغی ہیں جوحرام کوحلال قراردے اور عوام کے مسائل حل نہ کر سکے۔

امیرِجماعت اسلامی پاکستان سراج الحق نے اسلام آباد میں ایک تقریب سےخطاب کرتے ہوئے کہا کہ مارشل لا اور جمہوریت عوام کے مسائل حل کرنے میں ناکام ہیں اس لیے عوام دوسری جانب دیکھتے ہیں ۔

انہوں نے کہا کہ قوم کے اتحاد کو پارہ پارہ کرنے کے لیے قوم کو رنگ، نسل اورفرقوں میں تقسیم کیا گیا تاکہ انتشار میں مبتلا قوم کیسے اپنا حق مانگے گی اور حکمرانوں کو للکارے گی۔

امیر جماعت اسلامی نے کہا کہ پاناما کیس کا بہت شور ہو رہا ہے لیکن اب تک کوئی نتیجہ نہیں آ سکا ہے اگر اللہ نے موقع دیا تو ہم حرام کی ساری کمائی ملک میں واپس لائیں گے اور لوٹ مار کرنے والوں کو نشان عبرت بنائیں گے۔

امیرجماعت اسلامی سراج الحق نے کہا کہ ملک کے ادارے گونگے اوربہرے ہوچکے ہیں اور حکمران مال چھپانے کے لیے پاناما اور قطر کا رُخ کرتے ہیں اگر یہ حکمران ایک رات بھی سڑک پرگذاریں توانہیں غیرب عوام کی مشکلات کا اندازہ  ہو سکے گا۔

سراج الحق نے کہا کہ حکمرانوں نے انتخابات کے موقع پر لوڈشیڈنگ ختم کرنے کے بڑے بڑے دعوے کیے تھے لیکن چار سال مکمل ہو جانے کے باوجود لوڈ شیڈنگ پر قابو نہیں پایا جا سکا ہے اب عوام ایسے کھوکھلے دعوؤں پر کان نہیں دھریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top