site
stats
پاکستان

مہنگائی، بیروزگاری نواز شریف کا تحفہ ہیں، سراج الحق

Sirajul Haq

وہاڑی: امیر جماعت اسلامی سراج الحق نے کہا ہے کہ نواز شریف کی حکومت نے عقیدہ ختم نبوتﷺ پر شب خون مارا، مہنگائی اور بیروزگاری نواز شریف کا تحفہ ہیں۔

وہاڑی میں جلسہ عام سے خطاب کرتے ہوئے امیر جماعت اسلامی سراج الحق نے کہا کہ ختم نبوت ﷺ میں ترمیم والے کو عوام کے سامنے پیش کیا جائے، جماعت اسلامی کے نوٹس لینے پر حکومت نے ترمیم واپس لی۔

انہوں نے کہا کہ نواز شریف لاہور میں ایسا کوئی اسپتال بناتے تو اہلیہ کو لندن لے کر نہ جاتے، نواز شریف کو عدالت نے نہیں اللہ نے سزا دی ہے۔

سراج الحق نے کہا کہ عوام اپنے ووٹ سے اس حکومت کو ختم کرے، موجودہ حکومت ہماری نظریاتی سرحدوں کی حفاظت نہیں کرسکی، اسٹیٹس کو ختم کرنے اور انقلاب کا وقت آگیا ہے۔؎

نوازشریف ختم نبوت میں تبدیلی کےذمہ داروں کوپارٹی سےنکالیں، سراج الحق

سراج الحق نے صدر ممنون حسین کے بیان کا حوالہ دیتے ہوئے کہا کہ 480 بلین قرضہ لیا لیکن ایک بڑا ڈیم اور اسپتال نہ بناسکے، 780 بلین قرضہ کہاں گیا، حکمرانوں نے ملک کو لوٹا ہے اور اب جواب نہیں دے رہے۔

امیر جماعت اسلامی نے کہا کہ ملک میں غربت مہنگائی میں اضافہ ہوا ہے، حکمرانوں کی مثال اس مرغی کی ہے جو دانا کہیں کھاتی ہے اور انڈہ کہیں دیتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top