لاہور : امیر جماعت اسلامی نے کہا ہے کہ پاکستان کا آئین اسلامی ہے لیکن ملک میں اسلامی نظام نظرنہیں آتا اور اسلامی نظام پر نہ چلنے سے ملک معاشی بربادی سے دو چار ہے.
وہ جلسہ عام سے خطاب کر رہے تھے، امیر جماعت اسلامی نے کہا کہ اسحاق ڈار نے بڑے دعوے کیے پرملک معاشی طور پرتباہی سے دوچار ہے اور ڈگری لینے کے باجود ہمارے نوجوان بے روزگار ہیں.
سراج الحق نے کہا کہ اسلامی نظام کو چھوڑنے پر ہماری معیشت تنگ ہوگئی ہے، سودی نظام استحصالی نظام ہے اور اس سودی نظام میں پاکستان کبھی ترقی نہیں کرسکتا.
انہوں نے کہا کہ پورے ملک میں جماعت اسلامی صرف وہ واحد جماعت ہے جس کے پاس ملک سے سودی نظام کے خاتمے کی دعوت دیتی ہے اور متبادل اسلامی معاشی نظام رکھتی ہے.
امیر جماعت اسلامی نے کہا کہ ملک کے مسائل کا حل صرف اور صرف اسلامی نظام میں موجود ہے جس کے نفاذ کے لیے ہم طاغوتی قوتوں کے ساتھ نبرد آزما ہیں.
سراج الحق نے کہا کہ جماعت اسلامی کی جدوجہد ملک میں شریعت نافذ کرنے کے لیے ہے اور اس سلسلے میں دیگر مذہبی جماعتوں کے پرانے اتحاد ایم ایم اے کے احیاء کے لیے ہر ممکن کوشش کر رہے ہیں.
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
