site
stats
سندھ

امت مسلمہ اپنی اقوام متحدہ، فوج اور نصاب بنائے، سراج الحق

کراچی : امیرِ جماعت اسلامی سراج الحق نے کہا ہے کہ مسلمانوں کو اقوام متحد ہ سے علیحدگی اختیار کرکے اپنی اقوام متحدہ، اپنی مشترکہ فوج اور پوری امت مسلمہ کے لیے یکساں نصابِ تعیلم بنائیں۔

یہ بات انہوں نے کراچی میں جماعت اسلامی کے تحت منعقد کی گئی امتِ رسول صلی اللہ علیہ وآلہ وسلم مارچ کے شرکاء سے خطاب کے دوران کہی ان کا کہنا تھا کہ اج کا جلسہ فرض کفایا ہے آج کا امت رسول صلی اللہ علیہ وآلہ وسلم مارچ حلب برما اور کشمیر کے مجبوروں کے ساتھ اظہار یکجہتی ہے، آج خواتین علمائے اکرام سے فتوے لے رہی ہیں کہ موجودہ حالات میں خود کشی جائز ہے کہ نہیں۔

انہوں نے سوال کیا کہ عالم اسلام کے حکمران حلب اور برما کے مظالم پر آواز کیوں نہیں اٹھا رہے کیوں کہ امریکہ اس کو ظلم نہیں کہہ رہا ہے جب کہ آج عوام جماعت اسلامی فغانستان کشمیر فلسطین اور اج حلب اور برما میں ہونے والے ظلم کے خلاف سراپا احتجاج ہے۔

امیر جماعت اسلامی سراج الحق کا کہنا تھا کہ پاکستان کے حکمرانوں کا اپنے پارٹی پالیسی سے بڑھ کر کچھ نہیں ہے، دشمن نے ہمارے اوپر ورلڈ بنک سمیت دیگر کی صورت میں ہمارے اوپر مسلط ہیں نصب تعلیم اور امت کو مذہب اور لسانیت کے نام پر تقسیم کیا جارہا ہے۔

ان کا کہنا تھا کہ حکمران کمزور صحیح مگر پاکستان کے عوام بھارت کی غلامی کے بجائے اینٹ کا جواب پتھر سے دیں گے دوہزار سترہ جدوجہد اور انقلاب کا سال ہوگا میڈیا کو چاہیے کہ وہ ہمارا ساتھ دے ۔

قبل ازیں ریلی سے خطاب کرتے ہوئے دیگر مقررین کا کہنا تھا کہ مسلم حکمرانوں کی روس امریکہ کی غلامی میں شام اور برما میں قتل عام کیا جارہا ہے، چھپن اسلامی ممالک آپس کی تفریق سے بلا تر ہو کر امت کے اتحاد کے لیے جدوجہد کریں، اس کے علاوہ روہنگیا کی اسٹیٹ کو بحال کرنے کا بھی مطالبہ کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top