The news is by your side.

Advertisement

اب امریکا اپنی جنگ خود لڑے، عالم اسلام کو نئی معاشی منڈی بنانی ہوگی: سراج الحق

لندن: جماعت اسلامی کے امیر سراج الحق نے کہا ہے کہ امریکا اپنی لڑائی خود لڑے، ہم امریکی جنگ نہیں لڑیں گے، عالم اسلام مل کر اپنی معاشی منڈی بنانی ہوگی۔

ان خیالات کا اظہار امیر جماعت اسلامی سینیٹر سراج الحق نے لندن میں پاکستانی کمیونٹی  سے خطاب کرتے ہوئے کیا۔

ان کا کہنا تھا کہ آئندہ الیکشن سے پہلے کرپٹ عناصرکا محاسبہ ضروری ہے، پاناما لیکس کے باقی کرپٹ عناصرکا احتساب کون کرے گا، یہ سوال اہم ہے، کرپٹ عناصرکوسزائیں ملنےتک ہماری تحریک جاری رہے گی۔

سینیٹر سراج الحق کا کہنا تھا کہ مغربی ممالک میں پاکستان مخالف بینرز بھارتی سازش تھے، انتخابات کے بارے میں ابہام ہے، مگر چاہتے ہیں کہ انتخابات وقت پرہوں، اس بات کو یقینی بنایا جائے کہ جن کے نام پاناما پیپرز میں ہیں، وہ الیکشن نہ لڑسکیں۔

یہ بھی پڑھیں: امریکا نے ہمیشہ پاکستان کو قربانی کا بکرا بنایا، سراج الحق

انھوں‌ نے کہا کہ عالم اسلام مل کر اپنی معاشی منڈی بنائے، ٹرمپ کےاعلان کے بعد مدینہ کی طرف دیکھنے کی ضرورت ہے، مسلمان حکمران تعلیم پروسائل خرچ کریں۔

انھوں نے مزید کہا کہ روزانہ کی بنیاد پر کرپشن روک لی، تو روز نئی یونیورسٹی بنا سکتے ہیں، اوورسیز پاکستانیوں کو ووٹ کاحق ملنا چاہیے، انھوں نے قبائلی علاقوں کا مسئلہ ترجیحی بنیادوں پرحل کیا جائے۔

یاد رہے کہ امیر جماعت اسلامی سراج الحق نے گذشتہ دنوں قوم کے نام اپنے پیغام میں کہا تھا کہ امریکا نے ہمیشہ پاکستان کو قربانی کا بکرا بنایا، وقت آگیا ہے پاکستانی قوم اپنے پاؤں پر کھڑی ہو۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

Print Friendly, PDF & Email

Comments

comments

یہ بھی پڑھیں