The news is by your side.

Advertisement

دہشت گرد انسان نما بھیڑیے ہیں، چن چن کرختم کیاجائے، سراج الحق

لاہور : امیر جماعتِ اسلامی سراج الحق نے کہا ہے کہ قیامِ امن کی ذمہ داری حکومت پر عائد ہوتی ہے اور حکومت یہ ذمہ داری پورا نہیں کرپا رہی ہے۔

امیر جماعت اسلامی میڈیا سے بات کر رہے تھے انہوں نے شکوہ کیا کہ نیشنل ایکشن پلان پرعمل ہوتا تودہشت گردی پر قابو پایا جاسکتا تھا لیکن حکمرانوں نےعوام کودہشت گردوں کےرحم وکرم پرچھوڑدیا۔

انہوں نے کہا کہ قیامِ امن حکومت کی ذمہ داری ہے لیکن حکومت اپنی اس بنیادی ذمہ داری کو احسن طریقے سے ادا نہیں کر پا رہی ہے جس کا خمیازہ عام آدمی کو بھگتنا پر رہا ہے۔

امیرِ جماعت اسلامی نے کہا کہ ملک میں قیام امن کے لیے انسان نما بھیڑیوں کوچُن چُن کرختم کرناضروری ہے جس کے لیے بے رحم آپریشن کی ضرورت ہے۔

انہوں نے کہا کہ اگر قیامِ امن کے لیے فوجی عدالتوں کا قیام ناگزیر ہو گیا ہے توحکومت کو چاہیے کہ اس معاملے پر ہم آہنگی پیدا کریں گے اور جلد از جلد دہشت گردی سے نمٹنے کے اقدامات بروئے کار لایا جائے۔

امیر جماعت اسلامی نے ایک ہفتے کے دوران دہشت گردی کا شکار بننے والے افراد کے اہل خانہ سے تعزیت اور افسوس کا اظہار کرتے ہوئے کہا کہ جماعت اسلامی تمام لواحقین کے غم میں برابر کی شریک ہے۔

Print Friendly, PDF & Email

Comments

comments

یہ بھی پڑھیں