اسلام آباد: امیر جماعت اسلامی سراج الحق نے کہا ہے کہ لٹیروں سے قومی دولت واپس لینا قوم کاسب سے بڑا مطالبہ ہے۔ شیخ رشید کا کہنا ہے کہ دعا ہےجج صاحب جلد صحت یاب ہوں تاکہ کرپشن کا تابوت نکل سکے، سپریم کورٹ میں پاناما کیس کی سماعت پیرکو ہوگی۔
ان خیالات کا اظہار ان رہنماؤں نے اسلام آباد میں سپریم کورٹ کے باہرمیڈیا سے گفتگو کرتے ہوئے کیا، سینیٹر سراج الحق نے کہا کہ تمام کرپٹ لوگوں کا احتساب ہوناچاہیے، سیاسی جماعتوں کو آپس میں لڑنے کے بجائے کرپشن کے خلاف مل کر لڑنا چاہئیے۔ انہوں نے اس عزم کا اعادہ کیا کہ کرپٹ سسٹم کے خاتمے تک جہاد جاری رکھیں گے۔
دریں اثناء عوامی مسلم لیگ کے سربراہ شیخ رشید نے صحافیوں سے گفتگو میں کہا کہ میری دعا ہے کہ جسٹس عظمت سعید جلد از جلد صحت یاب ہوں تاکہ عدالت عظمیٰ سےکرپشن کا تابوت نکلے، شیخ رشید نے کہا کہ اگر ڈاکٹروں نے جج صاحب کی صحت ٹھیک قرار دی تو پیر کو کیس کی سماعت ہوگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں