The news is by your side.

Advertisement

الیکشن 2018 سیکولرازم کے لئے شکست کا دن ثابت ہوگا: سراج الحق

آج پاکستان کے ہرصوبے میں مزید صوبوں کی آوازیں آرہی ہیں

قلات: امیر جماعت اسلامی سراج الحق نے کہا ہے کہ امریکا اور اس کے وفاداروں نے اسلامی نظام کو شدید نقصان پہنچایا.

تفصیلات کے مطابق قلات میں ایم ایم کے جلسے سے خطاب کرتے ہوئے سینیٹر سراج الحق کا کہنا تھا کہ الیکشن 2018 سیکولرازم کے لئے شکست کا دن ثابت ہوگا، امریکا کے وفاداروں کی وجہ سے نظام کو شدید نقصان پہنچا.

ان کا کہنا تھا کہ ہربچے کے ہاتھ میں قلم اور کتاب تھمائی جائے گی، 70 سال سےملک میں منافقوں نے حکومت کی، اب اس کا خاتمہ ہوگا۔

امیر جماعت اسلامی سراج الحق کا کہنا تھا کہ ماضی کے حکمرانوں نے پاکستان کو توڑا، آج پاکستان کے ہرصوبے میں مزید صوبوں کی آوازیں آرہی ہیں. وسائل کی منصفانہ تقسیم نہ ہونے سے صوبوں کی آوازیں لگ رہی ہیں، اللہ نے بلوچستان کو معدنیات سے نوازا ہے، اس کا مستقبل روشن ہے.

ان کا کہنا تھا کہ کرپٹ حکمرانوں سےایک ایک پیسےکاحساب لیں گے، ہربچے کے ہاتھ میں قلم اورکتاب تھمائی جائے گی.

یاد رہے کہ جمعیت علمائے اسلام ف، جماعت اسلامی اور دیگر مذہبی جماعتیں آیندہ انتخابات ایم ایم اے کے پلیٹ فورم سے لڑیں گی، اس باعث جماعت اسلامی کے پی کے میں پی ٹی آئی کی حکومت سے علیحدہ ہوگئی ہے.


حکومت اپنے آخری دنوں میں بھی ون ویلنگ کررہی ہے، سراج الحق


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں