site
stats
پاکستان

امریکا نے ہمیشہ پاکستان کو قربانی کا بکرا بنایا، سراج الحق

siraj ul haq

لاہور: امیر جماعت اسلامی سراج الحق نے کہا ہے کہ امریکا نے ہمیشہ پاکستان کو قربانی کا بکرا بنایا، وقت آگیا ہے پاکستانی قوم اپنے پاؤں پر کھڑی ہو۔

ان خیالات کا اظہار انہوں نے قوم کے نام پیغام دیتے ہوئے کیا، سراج الحق نے کہا کہ پاکستان پر جب بھی کڑا وقت پڑا امریکا نے ہمیں دھوکہ دیا۔

امیر جماعت اسلامی نے کہا کہ امریکا نے پاک بھارت جنگوں میں بھی پاکستان کو تنہا چھوڑا، امریکا افغانستان میں اپنی ناکامیوں کا ملبہ پاکستان پر ڈال رہا ہے۔

سراج الحق نے مطالبہ کیا کہ امریکا سے فوری طور پر لاتعلقی کا اعلان کیا جائے، امریکہ نے ہمیشہ بھارت کی سرپرستی کی ہے، امریکی اقدامات سے نقصان خود امریکا کا ہی ہوگا، وقت آگیا ہے کہ پاکستانی قوم اپنے پاؤں پر کھڑی ہو۔

امیر جماعت اسلامی نے کہا کہ پاکستان کو اللہ تعالیٰ نے بے پناہ وسائل سے نوازا ہے، ہمیں کسی کے سامنے ہاتھ پھیلانے کی ضرورت نہیں ہے۔

یہ پڑھیں: امریکہ کا رویہ مجرما نہ ہے، وہ دنیا کوانتشارکی طرف لےجا رہا ہے‘ سراج الحق

سراج الحق نے کہا کہ امریکا سے دوستی کی پینگیں بڑھانے اور امریکی غلامی کا سبق پڑھانے والوں نے ملک و قوم کی عزت و وقار کو نیلام کیا۔

انہوں نے کہا کہ امریکا چاہتا ہے کہ پاکستان افغانستان میں امریکا کی شکست کو فتح میں تبدیل کردے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top