اتوار, فروری 9, 2025
اشتہار

’فاطمہ کے قاتل قومی مجرم ہیں‘

اشتہار

حیرت انگیز

امیر جماعت اسلامی پاکستان سراج الحق نے پیروں کی حویلی میں تشدد کا شکار گھریلو ملازمہ فاطمہ سے متعلق کہا ہے کہ فاطمہ کے قاتل قومی مجرم ہیں۔

نوشہر و فیروز میں فاطمہ کے گھر آمد کے موقع پر سراج الحق نے میڈیا سے گفتگو میں کہا کہ فاطمہ کا نام سن کر میرے رونگٹے کھڑے ہوگئے، جنت کی خواتین کی سردار کا نام بھ ی فاطمہ ہے۔ انہوں نے کہا کہ بچی ایک درندے کے گھر تھی جس نے انسانیت اور معاشرے کے غریب لوگوں کا مذاق اڑایا۔

سراج الحق نے کہا کہ 10 سالہ بچی کو ملازم رکھنا آئین کے آرٹیکل 11 اور 37 کے خلاف ہے، والدین نے نیک گھر کو مقدس سمجھ کر بچی کو چھوڑا، جیسے قصور میں زینب کے ساتھ ظلم کرنے والے کو پھانسی ہوئی ویسے ہی اسے بھی ہو۔

انہوں نے کہا کہ صوبہ سندھ میں 4 ہزار سے زائد بچوں پر اخلاقی حملے ہوئے ہیں، اگر فاطمہ کسی منسٹر کی بیٹی ہوتی تو ایسا نہ ہوتا، مظلوم خاندان کے پاس نہ سابق وزیر نہ کوئی ایم پی اے آیا، جنہوں نے 40 سال سندھ کو لوٹا انہوں نے غریب کی بیٹی کیلیے کوئی ہمدردی نہیں کی۔

ان کا کہنا تھا کہ جماعت اسلامی آج آپ کے ساتھ کھڑی ہے ہم ہر مظلوم کے ساتھ کھڑے ہیں، کل جڑانوالہ میسحی برادری کے پاس گیا ان کے گھروں کو لوٹا گیا، پورا معاشرہ اس وقت تباہ ہے اس میں غریب کا زندگی گزارنا آسان نہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں