The news is by your side.

Advertisement

کراچی : متعدد وارداتوں میں ملوث 4 اسٹریٹ کرمنلز گرفتار

کراچی : ایس آئی یو اور سی آئی اے نے کارروائی کرتے ہوئے متعدد وارداتوں میں ملوث 4 اسٹریٹ کرمنلز کو گرفتار کرکے 4پستول برآمد کرلیں۔

تفصیلات کے مطابق کراچی میں ایس آئی یو اور سی آئی اے نے نیو کراچی انڈسٹریل ایریا میں کارروائی کی ، کارروائی کے دوران متعدد وارداتوں میں ملوث 4 اسٹریٹ کرمنلز کو گرفتار کرلیا۔

ایس ایس پی ایس آئی یوعارف عزیز نے بتایا کہ گرفتار ملزمان سے 4پستول برآمد کرلیے گئے ہیں جبکہ ملزمان کیخلاف سندھ اسلحہ ایکٹ کے تحت مقدمات درج ہے۔

عارف عزیز کا کہنا تھا کہ ملزمان نےضلع سینٹرل میں متعددڈکیتی وارداتوں کاانکشافات کیا ، جس کے بعد ملزمان سےمزیدتفتیش جاری ہے۔

دوسری جانب پولیس نے سکھن سے ڈکیتی وراہزنی کی وارداتوں میں ملوث 2ملزمان کو گرفتار کرلیا اور گرفتار ملزمان سے دو پستول ،گولیاں اور موٹرسائیکل برآمد کرلی۔

پولیس کا کہنا ہے کہ گرفتار ملزمان میں عبدالروف اور ناصر خان شامل ہیں، دونوں ملزمان لوٹ مار کی درجنوں وارداتوں میں ملوث ہیں۔

حکام نے مزید بتایا کہ گرفتار ملزمان کا مزید کرمنل ریکارڈ حاصل کیا جا رہا ہے اور تفتیش بھی جاری ہے۔

Comments

یہ بھی پڑھیں