site
stats
سندھ

سندھ حکومت کے تعاون سے سکھر میں بھی گردوں کا اسپتال تعمیرہوگا،ادیب رضوی

سکھر: سکھرمیں نئے تعمیر ہونے والے سندھ انسٹیٹیوٹ آف یورولوجی اینڈ ٹرانسپلانٹیشن (ایس آئی یو ٹی) کے نئے کملپکس کی تعمیرپربریفنگ دیتے ہوئے ڈاکٹر ادیب رضوی کا کہنا تھا کہ کمپلکس کی سندھ حکومت کے تعاون سے تعمیرکیا جائے گا۔

میڈیا سے بات کرتے ہوئے ماہرمعالج برائے امراضِ گردہ ڈاکٹرادیب رضوی نے بتایا کہ تین ارب سے زائد کی لاگت سے تعمیر ہونے والے ایس آئی یوٹی کمپلکس سکھر میں گردوں اور کینسرسمیت دیگر مضرامراض کی تشخیص اور ان کاعلاج ممکن ہوسکے گا۔

میڈیا بریفنگ کے دوران قائد حزب اختلاف اور سکھر سے منتخب رکن قومی اسمبلی خورشید شاہ ، کمشنر سکھرو دیگر اعلی افسران بھی موجود تھے۔

میڈیا بریفنگ سے خطاب کرتے ہوئے عالمی شہرت یافتہ معالج برائے گردہ و مثانہ ڈاکٹر ادیب رضوی کا کہنا تھا کہ سکھر کمپلیکس کی تعمیر میں یوں تو کئی مخیرحضرات اور اداروں کا ساتھ حاصل ہے تا ہم خورشید شاہ صاحب کی ذاتی دلچسپی کے باعث سندھ حکومت اس پروجیکٹ کی بنیادی اور سب سے بڑی ڈونر ہو گی۔

اس موقع پر قائد حزب اختلاف خورشید شاہ نے اے آروائی نیوز سے بات کرتے ہوئے کہا کہ ایس آئی یو ٹی کا سکھر میں کمپلیکس کی تع،یر کے بعد اندرون سندھ کے مریضوں کو کراچی نہیں جانا نہیں پڑے گا بلکہ اس کمپلیکس کے باعث غریب مریضوں کی کا علاج اُن کے اپنے ہی شہرمیں ہوسکے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top