راولپنڈی: اسلام آباد کے جڑواں شہر میں ایک ہی خاندان کے چھ افراد کو فائرنگ کرکے قتل کردیا گیا‘ پولیس کے مطابق واقعہ خاندانی دشمنی کا شاخسانہ ہے۔
تفصیلات کے مطابق راولپنڈی کے علاقے تھانہ صدر والا کی حدود میں فائرنگ کے نتیجے میں خاتون سمیت ایک ہی خاندان کے چھ افراد کو قریبی رشتے دار نے فائرنگ کرکے قتل کردیا۔
پولیس اور ریسیکیو ادارے نے میتوں کو اسپتال منتقل کردیا ہے اور واقعے کی تحقیقات شروع کردی ہیں‘ پولیس کے مطابق واقعہ خاندانی دشمنی کے سبب پیش آیا۔
پولیس کے مطابق واقعے میں جاں بحق ہونے والی خاتون فوزیہ کے بھانجے حمزہ نے کسی خاندانی تنازعے کے سبب فائرنگ کی‘ مبینہ ملزم کی تلاش جاری ہے۔
Comments
- Advertisement -