The news is by your side.

Advertisement

کراچی:سرکاری گاڑی چوری اورچھیننے کی وارداتوں میں ملوث 6 رکنی گروہ گرفتار

کراچی: شہر قائد میں پولیس نے کارروائی کے دوران سرکاری گاڑی چوری اورچھیننے کی وارداتوں میں ملوث 6 رکنی گروہ گرفتار کرلیا، ملزمان سے 2 کلاشنکوف، 3 پستول،3 گاڑیاں، متعدد جعلی نمبر پلیٹیں برآمد ہوئی ہیں۔

تفصیلات کے مطابق کراچی میں پولیس نے کارروائی کرتے ہوئے سرکاری گاڑی چوری اورچھیننے کی وارداتوں میں ملوث میرانی گروپ کے 6 ملزمان کو گرفتار کرلیا۔

ایس ایس پی کے مطابق گرفتارملزمان میں عبید اللہ میرانی، محمد یاسین، محمد علی میرانی، جاوید، رضا اور یاسین شامل ہیں، ملزمان کے قبضے سے 2 کلاشنکوف، 3 پستول،3 گاڑیاں، متعدد جعلی نمبرپلیٹیں اور گاڑیوں کے سگنل روکنے والا ٹریکر بھی برآمد ہوا۔

ایس ایس پی نے میڈیا سے گفتگو کرتے ہوئے بتایا کہ ملزمان ڈیفنس کلفٹن بہادرآباد میں ڈکیتی میں بھی ملوث رہے، ملزمان بینک سے نقدی لے کر نکلنے والوں سے بھی لوٹ مار کرتے تھے۔

انہوں نے بتایا کہ گروہ کو اے سی ایل سی نے مقابلے کے بعد گرفتار کیا، ایک ملزم کراچی منتقل کرتے ہوئے پولیس موبائل حادثے میں ہلاک ہوا تھا، ملزمان کی نشاندہی پر سچل سے چھینی گئی ایک گاڑی بھی برآمد ہوئی تھی۔

کراچی: حساس اداروں اور پولیس کا مشترکہ آپریشن، 3 دہشت گرد ہلاک

یاد رہے کہ گزشتہ ماہ کراچی کے علاقے ناردرن بائی پاس خدا بخش گوٹھ میں دہشت گردوں سے حساس اداروں کا مقالبہ ہوا تھا فائرنگ کے تبادلے میں تین دہشت گرد ہلاک ہوگئے تھے۔

Comments

یہ بھی پڑھیں