نوازشریف کا قافلہ: مزید 6 افراد کو کچل دیا گیا، بچی بھی شامل six people injured
The news is by your side.

Advertisement

نوازشریف کا قافلہ: مزید 6 افراد کو کچل دیا گیا، بچی بھی شامل

لالہ موسیٰ: نوازشریف کے قافلے میں شامل گاڑیوں نے دو افراد کی زندگی کے چراغ گل کرنے کے بعد مزید چھ افراد کو کچل دیا، زخمیوں کو قریبی اسپتال منتقل کر دیا گیا جس میں نو سال کی بچی بھی شامل ہے، پولیس اہلکاروں نے میڈیا نمائندوں کو کوریج سے روک دیا۔

تفصیلات کے مطابق نااہل وزیر اعظم کی ریلی اپنی آب و تاب کے ساتھ لاہور کی جانب رواں دواں ہے، اس دوران قافلے میں موجود گاڑیوں کے ڈرائیورز راستے میں آنے والی کسی رکاوٹ کو خاطر میں نہیں لارہے۔

حتیٰ کہ راستے میں کھڑے لوگ بھی تیز رفتار گاڑیوں کی زد میں آگئے، نواز شریف کا قافلہ گوجرانوالہ سے نکل کر جب لالہ موسیٰ کے قریب پہنچا تو قافلے میں شامل گاڑیوں نے مزید چھ افراد کو کچل دیا۔

اس موقع پر بھی پہلے کی طرح قافلہ رکا نہیں اور گاڑیاں برق رفتاری سے گزرتی رہیں، بعد ازاں ریسکیو ٹیموں نے زخمیوں کو قریبی اسپتال منتقل کیا۔

زخمیوں میں رمضان، مختیاراحمد، علی حمزہ، راول، علی،فراز اور نو سال کی ایک بچی بھی شامل ہے، زخمیوں کے اسپتال پہنچنے پر پولیس بھی حرکت میں آگئی اور پولیس اہلکاروں نے واقعے کی کوریج کیلئے آنے والے میڈیا کے نمائندوں کا ٹراما سینٹر میں داخلہ بند کردیا۔

Comments

comments

یہ بھی پڑھیں