چارسدہ: صوبہ خیبرپختونخواہ کے شہرچارسدہ میں دوگروپوں میں فائرنگ کے نتیجے میں 6 افراد جاں بحق جبکہ دو زخمی ہوگئے۔
تفصیلات کے مطابق خیبرپختونخواہ میں چارسدہ کے علاقے رجڑ میں دوگروپوں میں مسلح تصادم کے نتیجے میں 6 افراد جان کی بازی ہار گئے جبکہ دو افراد زخمی ہیں۔
پولیس کے مطابق زخمیوں کو پشاور کے اسپتال منتقل کردیا گیا جبکہ لاشوں کو پوسٹ مارٹم کے لیے ڈسٹرکٹ ہیڈ کوارٹرز اسپتال منتقل کیا گیا۔
لاہور: زمین کے تنازع پرایک ہی خاندان کے5 افراد قتل
لاہور کے قریب پھلروان میں گزشتہ ہفتے زمین کے تنازعے پر دوگروپوں کے درمیان فائرنگ کے نتیجے میں ایک ہی خاندان کے5 افراد قتل ہوگئے تھے۔
پولیس حکام کا کہنا تھا کہ دونوں گروپوں میں دشمنی کے باعث پہلے ہی 4 افراد جاں بحق ہوچکے ہیں۔
ٹانک میں فائرنگ سے اسسٹنٹ کمشنر کرامت جاں بحق
رواں ماہ 2 اگست کو خیبرپختونخواہ کے شہرٹانک میں ٹریفک پوائنٹ کے قریب نامعلوم افراد کی فائرنگ سے اسسٹنٹ کمشنر کرامت جاں بحق ہوگئے تھے۔
یاد رہے کہ گزشتہ ماہ 22 جولائی کو ایم ایم اے کے امیدوار اکرم خان درانی کی گاڑی پر فائرنگ ہوئی تھی تاہم وہ قاتلانہ حملے میں محفوظ رہے تھے۔
اس سے قبل 13 جولائی کو اکرم خان درانی جلسے میں شرکت کے بعد واپس جا رہے تھے کہ بنوں کے علاقے حوید میں ان کی گاڑی کے قریب دھماکا ہوا تھا جس کے نتیجے میں 4 افراد جاں بحق ہوگئے تھے۔