site
stats
عالمی خبریں

افغانستان میں ریڈکراس کے عملےپرحملہ‘6افرادہلاک

کابل : شمالی افغانستان میں بین الاقوامی فلاحی ادارے ریڈ کراس کےچھ ارکان حملے میں ہلاک جبکہ دو لاپتہ ہوگئے۔

تفصیلات کےمطابق ریڈ کراس کی انٹرنیشنل کمیٹی کے ترجمان نےکہاکہ افغانستان کے صوبے جوزجان میں حملے میں ادارے کے6ارکان ہلاک جبکہ 2لاپتہ ہوگئے،انہوں نےکہا کہ ہم اس حوالے سے شدید پریشان ہیں۔

فلاحی ادارے ریڈ کراس کے کابل آفس کے ترجمان احمد رامین ایاز کا کہنا تھا کہ ادارے کے کارکنوں پر حملہ شمالی صوبہ جوزجان میں کیاگیا۔

جوزجان پولیس کے سربراہ رحمت اللہ تُرکستانی نےریڈ کراس کےعملےپر حملے کی تصدیق کرتے ہوئے کہا کہ واقعہ صوبائی دارالحکومت سے 35 کلومیٹر مغرب میں واقع شبِرغان میں پیش آیا۔

رحمت اللہ ترکستانی کا کہنا تھا کہ داعش سے وفاداری نبھانے والے جنگجو اس علاقے میں موجود ہیں،جبکہ طالبان نےحملے میں ملوث ہونے کی تردید کردی۔

مزید پڑھیں:کابل میں‌ سپریم کورٹ پر خودکش حملہ، ہلاکتیں 20 ہوگئیں

واضح رہے کہ گزشتہ روز کابل میں افغان سپریم کورٹ کے باہر ہونے والے خودکش دھماکے میں 20 افراد ہلاک اور 40 سے زائد زخمی ہوئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top