The news is by your side.

Advertisement

چھ سالہ ماہم سے زیادتی و قتل کیس کی سماعت اب ماڈل کورٹ میں ہوگی

کراچی : چھ سالہ ماہم سے زیادتی اور قتل کیس کا چالان انسداد دہشت گردی کی عدالت سے سیشن عدالت منتقل کر دیا گیا، جس کے بعد کیس کی سماعت ماڈل کورٹ میں ہوگی۔

تفصیلات کے مطابق کورنگی میں 6سالہ بچی سے زیادتی،قتل کیس کی سماعت ہوئی، سماعت میں انسداد دہشت گردی سے کیس کا چالان جوڈیشل مجسٹریٹ کو منتقل کردیا گیا ،جوڈیشل مجسٹریٹ شرقی عادل نذیر نےچالان سیشن عدالت کوبھیجا۔

جس کے بعد ماہم زیادتی اور قتل کیس کی سماعت اب ماڈل کورٹ میں ہوگی ، انسداد دہشتگردی عدالت نے کیس سیشن عدالت منتقل کرنے کا حکم دیا تھا۔

پولیس نے بتایا کہ واقعہ 28 جولائی کو زمان ٹاؤن تھانے کی حدود میں پیش آیا تھا، گرفتار ملزم ذاکر نے جوڈیشل مجسٹریٹ کےروبرواعتراف جرم بھی کیا تھا۔

یاد رہے جولائی میں کراچی کے علاقے زمان ٹاؤن سے لاپتہ چھ سالہ بچی کی لاش برآمد ہوئی تھی، جس کے بعد بچی کی لاش کا پوسٹ مارٹم کرایا گیا ، جس میں لیڈی ایم ایل او ڈاکٹر ثمیہ نے بچی ماہم سے زیادتی کی تصدیق کرتے ہوئے کہا تھا کہ بچی سے پہلے زیادتی کی گئی اس کےبعد قتل کیا گیا۔

ایم ایل او نے ابتدائی رپورٹ اور ویڈیو بیان میں انکشاف کیا تھا کہ ماہم کو ناک اور منہ بند کرکے قتل کیا گیا اور قتل کےدوران ہی زور لگانے سےگردن کی ہڈی ٹوٹی تھی۔

Comments

یہ بھی پڑھیں